Donald Trump Bandaríkjaforseti segir í yfirlýsingu til dagblaðsins New York Times, að tengdasonur sinn, Jared Kushner, standi sig afar vel sem ráðgjafi forsetans.
Um helgina hafa verið fluttar af því fréttir að Kushner sé talinn hafa rætt við háttsetta embættismenn frá Rússlandi um að koma á fót öruggum samskiptalínum á milli Rússa og framboðs Trumps, í desember í fyrra, áður en Trump tók við forsetaembættinu en eftir kosningarnar.
Trump forseti ræddi þau mál ekki sérstaklega í yfirlýsingu sinni en sagði aðeins að Kushner stæði sig afar vel í starfi og njóti fulls trausts forsetans.
Trump bætti því við að Kushner væri að vinna að verkefnum sem muni spara þjóðinni milljarða dollara auk þess sem hann væri góð manneskja.
Trump segir Kushner standa sig afar vel í starfi
Tengdar fréttir
Neita að svara spurningum um mál Kushner
Ráðgjafar í ríkisstjórn Donald Trump vilja ekki svara spurningum um mál Jared Kushner í fjölmiðlum.
Tengdasonur Trump sagður miðpunktur í rannsókn FBI vegna afskipta Rússa
Sagður hafa hitt sendiherra Rússa og yfirmanns rússnesks ríkisbanka.
Vildu koma á leynilegri samskiptalínu milli Bandaríkjanna og Rússlands
Jared Kushner, tengdasonur og einn helsti ráðgjafi Donalds Trump, ræddi í byrjun desember síðastliðnum við sendiherra Rússlands í Bandaríkjunum um möguleikann á því að koma upp leynilegri samskiptalínu milli stjórnvalda ríkjanna tveggja.
