Fótbolti

Klara Bjartmaz: Viljum fá fólk fyrr á völlinn

Ingvi Þór Sæmundsson skrifar
Svokallað FanZone verður sett upp á bílastæðinu fyrir utan Laugardalsvöllinn fyrir leikinn gegn Króatíu í undankeppni HM 2018 á sunnudaginn.

„Við ætlum að hafa FanZone sem hefur verið gert erlendis í lengri tíma. Þetta er í átt að því sem við gerðum með EM-torginu síðasta sumar. Núna verðum við með EM-Dalinn,“ sagði Klara Bjartmarz, framkvæmdastjóri KSÍ, í samtali við Guðjón Guðmundsson í kvöldfréttum Stöðvar 2.

„Við verðum með leikinn á stórum sjónvarpsskjá, hoppukastala og önnur leiktæki fyrir börn. Það verður veitingasala, Tólfan mætir og svo verða tónlistaratriði og annað slíkt,“ bætti Klara við.

Hún segir markmiðið með FanZone m.a. að fá fólk fyrr á völlinn.

„Við erum bæði að reyna að koma til móts við þá sem fengu ekki miða og reyna að fá þá sem eru á leið á völlinn til að koma fyrr. Svo er þetta hluti af því sem við erum að vinna í á árinu, sem eru hátíðarhöld í tilefni afmælis KSÍ,“ sagði Klara.

Viðtalið í heild sinni má sjá í spilaranum hér að ofan.

HM 2018 í Rússlandi

Tengdar fréttir

Arnór Ingvi: Vitum allt um króatíska liðið

"Ég er í fínu standi og æft af fullu síðustu vikur. Meiðslin hafa auðvitað sett strik í reikninginn hjá mér í vetur,“ segir landsliðsmaðurinn Arnór Ingvi Traustason í blíðunni í Laugardalnum.

Hannes: Hugur í okkur að jafna sakirnar

"Það er hætt við því að það verði eitthvað sem komi á markið,“ segir markvörðurinn Hannes Þór Halldórsson en hann mun væntanlega standa í ströngu í leiknum gegn Króatíu á sunnudag.

Helgi: Einbeitum okkur að okkar styrkleikum

Helgi Kolviðsson, aðstoðarþjálfari íslenska karlalandsliðsins í fótbolta, segir að Íslendingar einbeiti sér fyrst og fremst að sjálfum sér fyrir leikinn mikilvæga gegn Króötum á sunnudagskvöldið.

Kominn tími á að taka þá

Emil Hallfreðsson segir að sjálfstraustið sé gott í íslenska liðinu fyrir leikinn gegn Króatíu. Miðjumaðurinn er ekki farinn að huga að heimferð eftir tæp tíu ár á Ítalíu og segir að hann verði alltaf með annan fótinn úti.

Ekki sjálfgefið að fá að spila fótbolta

Alfreð Finnbogason segist hafa lært mikið af því að hafa þurft að sitja á hliðarlínunni í hálft ár vegna meiðsla í vetur. Hann er nú heill heilsu og ætlar að láta til sín taka í landsleiknum gegn Króatíu á sunnudag.

Mest lesið


Fleiri fréttir

Sjá meira


×

Mest lesið