Fengum virkilega flott svar Ingvi Þór Sæmundsson skrifar 9. júní 2017 06:00 Blikinn Ingibjörg Sigurðardóttir komst vel frá sínum fyrsta landsleik. mynd/hafliði breiðfjörð Ísland magalenti í síðasta landsleik og tapaði 4-0 fyrir Hollandi. Íslensku stelpurnar voru ólíkar sjálfum sér í leiknum gegn Hollendingum en landsliðsþjálfarinn Freyr Alexandersson sagðist hafa kannast betur við sínar stelpur í leiknum í gær. „Auðvitað var þetta barningur þar sem þær hættu mjög snemma að þora að spila og fóru í langa bolta. Svo fengu þær ótrúlega mikið af ódýrum aukaspyrnum og öll löngu innköstin. Við áttum von á því og það var gott að fá að slást og berjast. Við vorum með allt á hreinu og stóðumst það próf upp á 10. Ég var hrikalega ánægður með það,“ sagði Freyr í samtali við Fréttablaðið. Það hellirigndi í Dublin í gær og völlurinn var erfiður viðureignar. Að sögn Freys reyndu íslensku stelpurnar þó að halda boltanum á jörðinni og spila honum á milli sín. „Þrátt fyrir úrhelli og þungan og erfiðan völl þorðum við að spila. Við lögðum upp með að halda boltanum með ákveðnum hætti og stjórna leiknum. Við gerðum það mjög vel. Við æfðum þetta alla vikuna og fórum með það inn í leikinn. Ég held að við höfum aldrei haldið boltanum jafn vel innan liðsins gegn jafn sterkum andstæðingum og Írum,“ sagði Freyr. „Við fengum á okkur fjögur mörk í Hollandi og litum ekki út sem liðsheild. En krafturinn, hugarfarið og varnarleikurinn í öllum stöðum vallarins var framúrskarandi í dag. Ég þurfti að sjá það í dag [í gær]. Þetta svar var virkilega flott.“ Að sögn Freys hefði íslenska liðið átt að vinna leikinn í gær. Löglegt mark var dæmt af Íslendingum sem fékk svo bestu færin í leiknum. Hallbera Guðný Gísladóttir fékk úrvalsfæri í fyrri hálfleik og í þeim seinni voru Katrín Ásbjörnsdóttir og Berglind Björg Þorvaldsdóttir nálægt því að skora. „Eins og ég sagði fyrir leikinn var ég að horfa á frammistöðuna og ég var ánægður með hana. En það er alltaf gott að vinna. Við fengum tvö dauðafæri í seinni hálfleik sem við áttum að klára. Það er kannski það eina sem ég er ósáttur við en spilamennskan í aðdraganda færanna mjög góð,“ sagði Freyr. Ingibjörg Sigurðardóttir, 19 ára leikmaður Breiðabliks, var í byrjunarliði í sínum fyrsta landsleik og lék allan tímann í vörninni. Freyr kvaðst ánægður með frammistöðu Ingibjargar í leiknum í gær. „Ég var búinn að ákveða að hún tæki þátt í þessum leik, bara ekki hversu mikið. Anna Björk [Kristjánsdóttir] fékk tak í nárann daginn fyrir leik og fyrst Ingibjörg var klár treysti ég henni. Hún er nógu góð til að spila og ég var mjög ánægður með hennar frammistöðu,“ sagði Freyr. Hin 17 ára Agla María Albertsdóttir fékk tækifæri í byrjunarliðinu í sínum þriðja landsleik. „Mér fannst hún koma mjög vel út úr leiknum,“ sagði Freyr. „Það hefði hentað henni mjög vel að geta farið einn á einn en það var erfitt að rekja boltann vegna aðstæðna. En hún gerði það nokkrum sinnum og fíflaði þær alveg upp úr skónum. Hugarfarið hennar er virkilega gott og hún pressar alltaf af fullum krafti og vinnur á við tvo. Okkur líkar gríðarlega vel við það auk þess sem hún hefur þessa náttúruhæfileika til að geta unnið leiki.“ Ísland spilaði leikkerfið 3-4-3 í gær en Freyr hefur gefið það út að íslenska liðið muni spila það á stóra sviðinu í Hollandi. Hallbera var á sínum stað í stöðu vinstri vængbakvarðar en hægra megin var miðjumaðurinn Gunnhildur Yrsa Jónsdóttir. Að sögn Freys leysti Gunnhildur þessa nýju stöðu með sóma. „Hún hefur alla eiginleika til að spila þá stöðu. Hún er sennilega ein af þremur í liðinu sem hefur mestu hlaupagetuna. Hún getur farið upp og niður kantinn allan leikinn. Hún er líka gríðarlega sterk í loftinu og er ógnandi þegar hún mætir á fjærstöng,“ sagði Freyr. Dagný Brynjarsdóttir kom ekkert við sögu í leiknum í gær. Hún hefur glímt við erfið meiðsli á undanförnum mánuðum en er að komast aftur á ferðina og lék m.a. með félagsliði sínu, Portland Thorns, um síðustu helgi. Freyr segir þó ólíklegt að Dagný spili leikinn gegn Brasilíu á þriðjudaginn kemur. „Eins og staðan er núna eru minni líkur á því en meiri. Það þýðir samt ekki að það sé komið bakslag hjá henni. Hún hefur æft af fullum krafti með okkur. Völlurinn var gríðarlega þungur og erfiður og við erum með samkomulag við Portland um að hugsa vel um hana og reyna að takmarka mínúturnar hennar. Ég reikna ekki með að hún spili á móti Brasilíu,“ sagði Freyr. Landsliðsfyrirliðinn Margrét Lára Viðarsdóttir missti af leiknum í gær vegna meiðsla. Freyr segir að það komi betur í ljós þegar heim er komið hvort Margrét Lára geti tekið þátt í leiknum gegn Brasilíu. „Hún fer í myndatöku þegar við komum heim til að fullvissa okkur um að allt sé rétt greint. Þetta kemur í ljós á laugardagsmorgun þegar við fáum niðurstöður úr myndatökunni,“ sagði Freyr að lokum. EM 2017 í Hollandi Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Víkingar spila á Íslandi í dagsbirtu Fótbolti „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Tyson segist ekki berjast vegna peninganna Sport Arftaki Kristjáns óvænt hættur Handbolti Viðurkennir að hafa sleppt því að spjalda Messi til að fá treyjuna hans Fótbolti Fleiri fréttir Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Sjá meira
Ísland magalenti í síðasta landsleik og tapaði 4-0 fyrir Hollandi. Íslensku stelpurnar voru ólíkar sjálfum sér í leiknum gegn Hollendingum en landsliðsþjálfarinn Freyr Alexandersson sagðist hafa kannast betur við sínar stelpur í leiknum í gær. „Auðvitað var þetta barningur þar sem þær hættu mjög snemma að þora að spila og fóru í langa bolta. Svo fengu þær ótrúlega mikið af ódýrum aukaspyrnum og öll löngu innköstin. Við áttum von á því og það var gott að fá að slást og berjast. Við vorum með allt á hreinu og stóðumst það próf upp á 10. Ég var hrikalega ánægður með það,“ sagði Freyr í samtali við Fréttablaðið. Það hellirigndi í Dublin í gær og völlurinn var erfiður viðureignar. Að sögn Freys reyndu íslensku stelpurnar þó að halda boltanum á jörðinni og spila honum á milli sín. „Þrátt fyrir úrhelli og þungan og erfiðan völl þorðum við að spila. Við lögðum upp með að halda boltanum með ákveðnum hætti og stjórna leiknum. Við gerðum það mjög vel. Við æfðum þetta alla vikuna og fórum með það inn í leikinn. Ég held að við höfum aldrei haldið boltanum jafn vel innan liðsins gegn jafn sterkum andstæðingum og Írum,“ sagði Freyr. „Við fengum á okkur fjögur mörk í Hollandi og litum ekki út sem liðsheild. En krafturinn, hugarfarið og varnarleikurinn í öllum stöðum vallarins var framúrskarandi í dag. Ég þurfti að sjá það í dag [í gær]. Þetta svar var virkilega flott.“ Að sögn Freys hefði íslenska liðið átt að vinna leikinn í gær. Löglegt mark var dæmt af Íslendingum sem fékk svo bestu færin í leiknum. Hallbera Guðný Gísladóttir fékk úrvalsfæri í fyrri hálfleik og í þeim seinni voru Katrín Ásbjörnsdóttir og Berglind Björg Þorvaldsdóttir nálægt því að skora. „Eins og ég sagði fyrir leikinn var ég að horfa á frammistöðuna og ég var ánægður með hana. En það er alltaf gott að vinna. Við fengum tvö dauðafæri í seinni hálfleik sem við áttum að klára. Það er kannski það eina sem ég er ósáttur við en spilamennskan í aðdraganda færanna mjög góð,“ sagði Freyr. Ingibjörg Sigurðardóttir, 19 ára leikmaður Breiðabliks, var í byrjunarliði í sínum fyrsta landsleik og lék allan tímann í vörninni. Freyr kvaðst ánægður með frammistöðu Ingibjargar í leiknum í gær. „Ég var búinn að ákveða að hún tæki þátt í þessum leik, bara ekki hversu mikið. Anna Björk [Kristjánsdóttir] fékk tak í nárann daginn fyrir leik og fyrst Ingibjörg var klár treysti ég henni. Hún er nógu góð til að spila og ég var mjög ánægður með hennar frammistöðu,“ sagði Freyr. Hin 17 ára Agla María Albertsdóttir fékk tækifæri í byrjunarliðinu í sínum þriðja landsleik. „Mér fannst hún koma mjög vel út úr leiknum,“ sagði Freyr. „Það hefði hentað henni mjög vel að geta farið einn á einn en það var erfitt að rekja boltann vegna aðstæðna. En hún gerði það nokkrum sinnum og fíflaði þær alveg upp úr skónum. Hugarfarið hennar er virkilega gott og hún pressar alltaf af fullum krafti og vinnur á við tvo. Okkur líkar gríðarlega vel við það auk þess sem hún hefur þessa náttúruhæfileika til að geta unnið leiki.“ Ísland spilaði leikkerfið 3-4-3 í gær en Freyr hefur gefið það út að íslenska liðið muni spila það á stóra sviðinu í Hollandi. Hallbera var á sínum stað í stöðu vinstri vængbakvarðar en hægra megin var miðjumaðurinn Gunnhildur Yrsa Jónsdóttir. Að sögn Freys leysti Gunnhildur þessa nýju stöðu með sóma. „Hún hefur alla eiginleika til að spila þá stöðu. Hún er sennilega ein af þremur í liðinu sem hefur mestu hlaupagetuna. Hún getur farið upp og niður kantinn allan leikinn. Hún er líka gríðarlega sterk í loftinu og er ógnandi þegar hún mætir á fjærstöng,“ sagði Freyr. Dagný Brynjarsdóttir kom ekkert við sögu í leiknum í gær. Hún hefur glímt við erfið meiðsli á undanförnum mánuðum en er að komast aftur á ferðina og lék m.a. með félagsliði sínu, Portland Thorns, um síðustu helgi. Freyr segir þó ólíklegt að Dagný spili leikinn gegn Brasilíu á þriðjudaginn kemur. „Eins og staðan er núna eru minni líkur á því en meiri. Það þýðir samt ekki að það sé komið bakslag hjá henni. Hún hefur æft af fullum krafti með okkur. Völlurinn var gríðarlega þungur og erfiður og við erum með samkomulag við Portland um að hugsa vel um hana og reyna að takmarka mínúturnar hennar. Ég reikna ekki með að hún spili á móti Brasilíu,“ sagði Freyr. Landsliðsfyrirliðinn Margrét Lára Viðarsdóttir missti af leiknum í gær vegna meiðsla. Freyr segir að það komi betur í ljós þegar heim er komið hvort Margrét Lára geti tekið þátt í leiknum gegn Brasilíu. „Hún fer í myndatöku þegar við komum heim til að fullvissa okkur um að allt sé rétt greint. Þetta kemur í ljós á laugardagsmorgun þegar við fáum niðurstöður úr myndatökunni,“ sagði Freyr að lokum.
EM 2017 í Hollandi Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Víkingar spila á Íslandi í dagsbirtu Fótbolti „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Tyson segist ekki berjast vegna peninganna Sport Arftaki Kristjáns óvænt hættur Handbolti Viðurkennir að hafa sleppt því að spjalda Messi til að fá treyjuna hans Fótbolti Fleiri fréttir Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Sjá meira