Stjarnan fékk tvo stórslagi í bikarnum

Stjarnan fékk tvo stórleiki í 8-liða úrslitum Borgunarbikarsins en dregið var í hádeginu í dag, bæði í karla- og kvennaflokki.

Í kvennaflokki fékk Stjarnan heimaleik gegn Þór/KA, toppliði Pepsi-deildar kvenna, sem sló ríkjandi bikarmeistara Breiðabliks úr leik í 16-liða úrslitum keppninnar.

Karlamegin fá Stjörnumenn, sem tróna á toppi Pepsi-deildar karla, að spreyta sig gegn KR. Stjarnan sló út bikarmeistara Vals í 16-liða úrslitunum.

Leikirnir kvennamegin fara fram 23. og 24. júní en í karlaflokki dagana 2. og 3. júlí. Alla leikina má sjá hér fyrir neðan:

Borgunarbikar kvenna:

Valur - HK/Víkingur

Grindavík - Tindastóll

ÍBV - Haukar

Stjarnan - Þór/KA

Borgunarbikar karla:

Stjarnan - KR

Víkingur R - ÍBV

Leiknir R - ÍA

Fylkir - FH