Rannsóknar á Trump krafist í Sannleiksgöngum

Þúsundir Bandaríkjamenn kröfðust óháðrar og sjálfstæðrar rannsóknar á meintu samráði forsetaframboðs Donalds Trump og rússneskra stjórnvalda í Sannleiksgöngum sem voru gengnar í fjölda borga í gær.

Stærsta Sannleiksgangan var haldin í Washington-borg þar sem fleiri en þúsund manns komu saman nærri Washington-minnisvaraðnum að sögn Washington Post. Ræðumenn hvöttu viðstadda til að halda anspyrnunni gegn Trump forseta gangandi.

„Ég hef verið fokvondur allt frá kosningunum. Sú staðreynd að þessi maður gæti verið forseti í fjögur ár hræðir líftóruna úr mér,“ hefur blaðið eftir Lee Adams, einum sannleiksgöngumannanna.

Trump valdi golfklúbbinn fram yfir stuðningsmannafund

Sannleiksgangan var mun fjölmennari en útifundur sem stuðningsmenn Trump skipulögðu fyrir utan Hvíta húsið til að fagna því að hann dró Bandaríkin út úr Parísarsamkomulaginu gegn loftslagsbreytingum í vikunni. Aðrir hópar mótmæltu ákvörðuninni í grenndinni.

Þrátt fyrir að Hvíta húsið hefði auglýst stuðingsfundinn lét forsetinn sjálfur ekki sjá sig þar. Hann er sagður hafa valið að eyða helginni heldur í golfklúbbi sínum í New Jersey samkvæmt frétt Business Insider.