Dana White, forseti UFC, segir að Conor McGregor sé handviss um að hann muni sigra Floyd Mayweather þegar þeir mætast í hringnum þann 26. ágúst næstkomandi.
„Hann er 100% viss um að vinna bardagann. Ég hætti að afskrifa Conor McGregor fyrir löngu,“ sagði White um sinn mann.
White segir að samningaviðræður í tengslum við bardagann hafi gengið vel.
„Þær gengu smurt fyrir sig. Floyd er umkringdur kláru fólki og við kláruðum þetta,“ sagði White en talið er að Mayweather og Conor fái báðir um 100 milljónir dollara í sinn hlut fyrir bardagann.
White hefur ekki áhyggjur af því að Conor snúi ekki aftur í UFC eftir að hafa fengið nasaþefinn af hnefaleikum. Og hann segir að Conor hafi beðið um bardaga í UFC á þessu ári.
„Þetta er ein af milljón ástæðum þess að fólk elskar Conor,“ sagði White.
Dana White: Conor er 100% viss um að vinna
Tengdar fréttir
Conor og Mayweather mætast 26. ágúst
Í kvöld var staðfest að boxbardagi þeirra Floyds Mayweather og Conors McGregor fari fram.
