Stór stund í Hollandi fyrir stóra fjölskyldu Kolbeinn Tumi Daðason skrifar 26. júlí 2017 07:00 Gunnhildur Yrsa á stóra fjölskyldu og finna þurfti hús á Airbnb sem gat hýst allt að fjórtán manns. Hópurinn heldur í dag til Rotterdam. Ólíklegt má telja að nokkur landsliðskona á Evrópumótinu í Hollandi komist með tærnar þar sem Gunnhildur Yrsa Jónsdóttir hefur hælana hvað systkinafjölda ræðir. Gunnhildur á sjö alsystkini sem öll eru mætt ásamt foreldrunum, Jóni Sæmundssyni og Laufeyju Ýr Sigurðardóttur, að styðja sína konu og landsliðið. „Ef ég hugsa til baka hugsa ég að við höfum aldrei verið saman erlendis síðan sú yngsta fæddist,“ segir Ýr. „Þetta er stór stund fyrir okkur en það vantar auðvitað Gunnhildi. Hún þarf að hanga með einhverju landsliði,“ grínast mamman með. Fjölskyldan heldur til í Amsterdam en heldur í dag til Rotterdam þar sem stelpurnar okkar mæta Austurríki í lokaleik sínum á EM. Landsliðskonurnar Fanndís Friðriksdóttir og Gunnhildur Yrsa Jónsdóttir sjá hér eitthvað sniðugt á æfingu íslenska landsliðsins í Hollandi.Vísir/Tom Vesen á köttunum Fjölskyldan leigði sér óvenjulegt hús í gegnum Airbnb en stórt hús þarf til að hýsa hópinn sem taldi fjórtán þegar mest var. „Við leigðum gamla lögreglustöð sem er búið að umbreyta í heimili. Þetta er ótrúlegasta hús sem ég hef nokkurn tímann komið inn í,“ segir Ýr sem keypti þó að vissu leyti köttinn í sekknum. Reyndar tvo. Annar mígur út um allt og hinn er bókstaflega úti um allt. „Það hafa verið ýmsar uppákomur tengdar köttunum. Einn er ekki þrifaþjálfaður og svo erum við búin að týna einum. Þótt þeir séu bara tveir eru þeir á við fjórtán, vælandi og breimandi úti í garði,“ segir Ýr sem vissi ekki af því fyrr en út var komið að hún hefði samþykkt að passa kettina. „Ég fékk augngotur frá Nonna, hvað ég væri eiginlega búin að koma okkur út í,“ segir Ýr og hlær. Við þetta bættist að einn tengdasonurinn er með kattaofnæmi þannig að fjölskyldan er komin með nóg af köttum og ætlar að fara úr húsinu einum degi fyrr. Elfur Fríða vakti athygli ljósmyndara hjá Getty sem náði þessari flottu mynd af yngsta systkininu á leik Íslands og Sviss.Vísir/Getty Beðin um að tæma skrifstofuna Ýr er barnataugalæknir og starfar á barnaspítala í Orlando í Flórída. Þar búa fimm yngstu systkinin þau Ilmur, Þórunn, Sigurður Tumi, Sæmundur Tóki og Elfur Fríða sem er yngst, níu ára. Jón er framkvæmdastjóri hjá auglýsingastofunni ENNEMM á Íslandi og þar búa Tindur, sem er þrítugur og elstur systkinanna, og Urður. Gunnhildur býr svo í Noregi þar sem hún spilar með Vålerenga. Allt þurfti að ganga upp til að fjölskyldan gæti mætt öll sem eitt til Hollands. Ýr óskaði eftir tveggja vikna fríi í Bandaríkjunum sem er ekki auðsótt mál. „Ef þú tekur meira en fjóra daga í frí heldur fólk að þú sért líklega hættur,“ segir Ýr og hlær. „Ég var beðin um að tæma skrifstofuna mína því þetta væri svo langt frí.“ Amma bjargaði málunum Þótt kettir séu ekki ofarlega á vinsældarlista fjölskyldunnar verður það sama ekki sagt um hunda. Þau eiga einn á Íslandi og þrjá í Ameríku. Amma Gunnhildar var einmitt fengin út til Orlando til að passa hundana svo allir hinir gætu skellt sér saman til Hollands. Fleiri hafi lagt hönd á plóg svo fjölskyldan gæti átt þessar stundir saman. „Ég fékk mömmu til að koma til Orlando til að passa hundana á meðan,“ segir Ýr. „Annars hefði hún líka verið í Hollandi. Amman tók hundapössunina á sig. Við erum með Stóran dana sem er í nýrnabilun en það var enginn tilbúinn að passa hann svo að amma hjúkrunarfræðingur var send á svæðið.“ Mæðgurnar eru miklir stuðboltar. Hér er Ýr búin að raka treyjunúmer dóttur sinnar í hnakkann.VísirHer Púertó Ríkana Foreldrar Gunnhildar og systkini styðja hana af krafti og mamman fór alla leið þegar hún lét raka töluna fimm í hnakkann á sér fyrir brottför frá Bandaríkjunum. „Ég var komin með heilan her Púertó Ríkana á rakarastofunni í þetta. Þeir eru allir búnir að adda Gunnhildi á Instagram,“ segir Ýr um nýja stuðningsmenn kvennalandsliðsins. Þeir hafi verið mjög spenntir og þá hefur greiðsla mömmunnar vakið athygli á Evrópumótinu. „Jú jú, það eru einhverjir að spyrja. Það er verst að þetta er aðeins að fölna. Ég þyrfti að komast á rakarastofu fyrir leikinn og láta raka inn í þetta.“ Fjölskyldan hefur fengið að hitta Gunnhildi tvisvar í ferðinni, meðal annars í grillveilsu hjá Knattspyrnusambandi Íslands eftir tapið gegn Sviss. „Það var meira þunglyndismómentið,“ segir Jón en þá kom í ljós að Ísland var úr leik eftir jafntefli Austurríkis og Frakklands. „Frakkarnir gátu ekki drullast til að vinna Austurríki. Það hefði mátt vera betri stemning en hún var samt fín.“Létu dómarana heyra það Fjölskyldan lætur vel í sér heyra, yngstu systkinin máluð í fánalitunum og dómararnir hafa fengið að heyra það frá foreldrunum. „Við sendum dómaranum tóninn. Það vantar ekkert. Ég tók að mér að hrauna yfir línuverðina og Nonni var á dómaranum,“ grínast Ýr en dómgæslan í leikjum Íslands til þessa hefur verið slök en öll liðin hafi fundið fyrir því. „En þetta eru samt aðallega stuðningsköll, þær hafa staðið sig alveg frábærlega. Ég er ekkert að víla fyrir mér úrslitin. Öll umgjörð og annað hefur verið frábær.“ Þau ætla ekki að láta sitt eftir liggja í leiknum gegn Austurríki. Elstu systkinin, Urður og Tindur, eru nýfarin heim en aðrir ætla að láta vel í sér heyra í Rotterdam í kvöld. „Við verðum aðalfólkið,“ segir Ýr og greinlegt að mikil stemning er í hópnum, og gaman.„Þetta hefur verið alveg stórkostlegt,“ segir Jón EM 2017 í Hollandi Birtist í Fréttablaðinu Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Rómverjar búnir að finna eftirmann De Rossi Sjá meira
Ólíklegt má telja að nokkur landsliðskona á Evrópumótinu í Hollandi komist með tærnar þar sem Gunnhildur Yrsa Jónsdóttir hefur hælana hvað systkinafjölda ræðir. Gunnhildur á sjö alsystkini sem öll eru mætt ásamt foreldrunum, Jóni Sæmundssyni og Laufeyju Ýr Sigurðardóttur, að styðja sína konu og landsliðið. „Ef ég hugsa til baka hugsa ég að við höfum aldrei verið saman erlendis síðan sú yngsta fæddist,“ segir Ýr. „Þetta er stór stund fyrir okkur en það vantar auðvitað Gunnhildi. Hún þarf að hanga með einhverju landsliði,“ grínast mamman með. Fjölskyldan heldur til í Amsterdam en heldur í dag til Rotterdam þar sem stelpurnar okkar mæta Austurríki í lokaleik sínum á EM. Landsliðskonurnar Fanndís Friðriksdóttir og Gunnhildur Yrsa Jónsdóttir sjá hér eitthvað sniðugt á æfingu íslenska landsliðsins í Hollandi.Vísir/Tom Vesen á köttunum Fjölskyldan leigði sér óvenjulegt hús í gegnum Airbnb en stórt hús þarf til að hýsa hópinn sem taldi fjórtán þegar mest var. „Við leigðum gamla lögreglustöð sem er búið að umbreyta í heimili. Þetta er ótrúlegasta hús sem ég hef nokkurn tímann komið inn í,“ segir Ýr sem keypti þó að vissu leyti köttinn í sekknum. Reyndar tvo. Annar mígur út um allt og hinn er bókstaflega úti um allt. „Það hafa verið ýmsar uppákomur tengdar köttunum. Einn er ekki þrifaþjálfaður og svo erum við búin að týna einum. Þótt þeir séu bara tveir eru þeir á við fjórtán, vælandi og breimandi úti í garði,“ segir Ýr sem vissi ekki af því fyrr en út var komið að hún hefði samþykkt að passa kettina. „Ég fékk augngotur frá Nonna, hvað ég væri eiginlega búin að koma okkur út í,“ segir Ýr og hlær. Við þetta bættist að einn tengdasonurinn er með kattaofnæmi þannig að fjölskyldan er komin með nóg af köttum og ætlar að fara úr húsinu einum degi fyrr. Elfur Fríða vakti athygli ljósmyndara hjá Getty sem náði þessari flottu mynd af yngsta systkininu á leik Íslands og Sviss.Vísir/Getty Beðin um að tæma skrifstofuna Ýr er barnataugalæknir og starfar á barnaspítala í Orlando í Flórída. Þar búa fimm yngstu systkinin þau Ilmur, Þórunn, Sigurður Tumi, Sæmundur Tóki og Elfur Fríða sem er yngst, níu ára. Jón er framkvæmdastjóri hjá auglýsingastofunni ENNEMM á Íslandi og þar búa Tindur, sem er þrítugur og elstur systkinanna, og Urður. Gunnhildur býr svo í Noregi þar sem hún spilar með Vålerenga. Allt þurfti að ganga upp til að fjölskyldan gæti mætt öll sem eitt til Hollands. Ýr óskaði eftir tveggja vikna fríi í Bandaríkjunum sem er ekki auðsótt mál. „Ef þú tekur meira en fjóra daga í frí heldur fólk að þú sért líklega hættur,“ segir Ýr og hlær. „Ég var beðin um að tæma skrifstofuna mína því þetta væri svo langt frí.“ Amma bjargaði málunum Þótt kettir séu ekki ofarlega á vinsældarlista fjölskyldunnar verður það sama ekki sagt um hunda. Þau eiga einn á Íslandi og þrjá í Ameríku. Amma Gunnhildar var einmitt fengin út til Orlando til að passa hundana svo allir hinir gætu skellt sér saman til Hollands. Fleiri hafi lagt hönd á plóg svo fjölskyldan gæti átt þessar stundir saman. „Ég fékk mömmu til að koma til Orlando til að passa hundana á meðan,“ segir Ýr. „Annars hefði hún líka verið í Hollandi. Amman tók hundapössunina á sig. Við erum með Stóran dana sem er í nýrnabilun en það var enginn tilbúinn að passa hann svo að amma hjúkrunarfræðingur var send á svæðið.“ Mæðgurnar eru miklir stuðboltar. Hér er Ýr búin að raka treyjunúmer dóttur sinnar í hnakkann.VísirHer Púertó Ríkana Foreldrar Gunnhildar og systkini styðja hana af krafti og mamman fór alla leið þegar hún lét raka töluna fimm í hnakkann á sér fyrir brottför frá Bandaríkjunum. „Ég var komin með heilan her Púertó Ríkana á rakarastofunni í þetta. Þeir eru allir búnir að adda Gunnhildi á Instagram,“ segir Ýr um nýja stuðningsmenn kvennalandsliðsins. Þeir hafi verið mjög spenntir og þá hefur greiðsla mömmunnar vakið athygli á Evrópumótinu. „Jú jú, það eru einhverjir að spyrja. Það er verst að þetta er aðeins að fölna. Ég þyrfti að komast á rakarastofu fyrir leikinn og láta raka inn í þetta.“ Fjölskyldan hefur fengið að hitta Gunnhildi tvisvar í ferðinni, meðal annars í grillveilsu hjá Knattspyrnusambandi Íslands eftir tapið gegn Sviss. „Það var meira þunglyndismómentið,“ segir Jón en þá kom í ljós að Ísland var úr leik eftir jafntefli Austurríkis og Frakklands. „Frakkarnir gátu ekki drullast til að vinna Austurríki. Það hefði mátt vera betri stemning en hún var samt fín.“Létu dómarana heyra það Fjölskyldan lætur vel í sér heyra, yngstu systkinin máluð í fánalitunum og dómararnir hafa fengið að heyra það frá foreldrunum. „Við sendum dómaranum tóninn. Það vantar ekkert. Ég tók að mér að hrauna yfir línuverðina og Nonni var á dómaranum,“ grínast Ýr en dómgæslan í leikjum Íslands til þessa hefur verið slök en öll liðin hafi fundið fyrir því. „En þetta eru samt aðallega stuðningsköll, þær hafa staðið sig alveg frábærlega. Ég er ekkert að víla fyrir mér úrslitin. Öll umgjörð og annað hefur verið frábær.“ Þau ætla ekki að láta sitt eftir liggja í leiknum gegn Austurríki. Elstu systkinin, Urður og Tindur, eru nýfarin heim en aðrir ætla að láta vel í sér heyra í Rotterdam í kvöld. „Við verðum aðalfólkið,“ segir Ýr og greinlegt að mikil stemning er í hópnum, og gaman.„Þetta hefur verið alveg stórkostlegt,“ segir Jón
EM 2017 í Hollandi Birtist í Fréttablaðinu Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Rómverjar búnir að finna eftirmann De Rossi Sjá meira