Mayweather yfir á stigum hjá öllum dómurum

Floyd Mayweather var yfir á stigum hjá öllum þremur dómurum bardagans gegn Conor McGregor í nótt. Mayweather vann eftir að dómari stöðvaði bardagann í tíundu lotu.

Allir dómararnir voru sammála um að McGregor tók fyrstu lotuna og dæmdu hana 10-9, Íranum í hag. En tveir dómaranna, Burt Clements og Guido Cavalieri, dæmdu Mayweather sigur í öllum hinum lotunum.

Aðeins Dave Moretti dæmdi McGregor sigur í lotum tvö og þrjú en hann dæmdi svo Mayweather sigur í hinum lotunum. Moretti og Cavalieri dæmdu Mayweather 10-8 sigur í níundu lotu, annars fóru allar loturnar 10-9.

Hér má sjá niðurstöðuna í stigagjöf dómaranna:

Moretti 87-83

Clements 89-82

Cavalieri 89-81