Sport

Hlaupari í lífstíðarbann

Ástrós Ýr Eggertsdóttir skrifar
Maryam Yusuf Jamal, Asli Cakir Alptekin og Gamze Bulut. Verðlaunahafar í "skítugasta hlaupi heims“ þar sem 6 af fyrstu 9 hafa fallið á lyfjaprófi.
Maryam Yusuf Jamal, Asli Cakir Alptekin og Gamze Bulut. Verðlaunahafar í "skítugasta hlaupi heims“ þar sem 6 af fyrstu 9 hafa fallið á lyfjaprófi. vísir/getty
Fyrrum Ólympíumeistarinn í 1500m hlaupi, Asli Cakir Alptekin, hefur verið dæmd í lífstíðarbann frá frjálsum íþróttum.

Hin tyrkneska Cakir Alptekin var svipt Ólympíumeistara og Evrópumeistaratitlum sínum frá 2012 árið 2015, jafnframt sem tyrkneska frjálsíþróttasambandið dæmdi hana í átta ára bann vegna lyfjamisnotkunar.

Í ár snéri hún aftur á frjálsíþróttavöllinn eftir að hafa fengið dagsetningu bannsins færða aftur til 2013 og það stytt í fjögur ár.

Nú hefur hún hins vegar enn einu sinni verið fundin sek um lyfjamisnotkun og dæmd í lífstíðarbann.

„Við munum aldrei líða lyfjamisnotkun,“ sagði formaður tyrkneska frjálsíþróttasambandsins, Fatih Cintimar.

Cakir Alptekin hafði áður setið tveggja ára bann fyrir að falla á lyfjaprófi árið 2004.

Frjálsar íþróttir

Tengdar fréttir

Ólympíugullið tekið af Alptekin

Tyrkneska stúlkan Asli Cakir Alptekin þarf að skila gullverðlaununum sem hún vann á ÓL í London árið 2012.

Mest lesið


Fleiri fréttir

Sjá meira


×

Mest lesið