Innlent

Fundur stendur yfir í flugvirkjadeilunni

Birgir Olgeirsson skrifar
Fundurinn hófst klukkan fjögur í dag.
Fundurinn hófst klukkan fjögur í dag. Vísir/Anton Brink
Fundur í kjaradeilu Flugvirkjafélags Íslands, Icelandair og Samtaka atvinnulífsins hófst klukkan fjögur í dag í húsakynnum ríkissáttasemjara.

Síðasta fundi samninganefnda deiluaðila var slitið um fjögur leytið í nótt án þess að nokkur niðurstaða fengist.

Verkfall flugvirkja hófst í gærmorgun og hefur nú haft áhrif á fjölmarga farþega Icelandair sem þurft hefur að fresta fjölmörgum flugferðum vegna verkfallsins.

Formaður Flugvirkjafélagsins hefur látið hafa eftir sér að flugvirkjar hafi dregið verulega úr kröfum sínum gagnvart viðsemjendum sínum og óttast að lög verði sett á verkfallið.

Þá sagði Halldór Benjamín Þorbergsson, framkvæmdastjóri Samtaka atvinnulífsins að skoða verði heildarmyndina þegar samið verði við flugvirkja og að þeirra samningur muni hafa áhrif á aðra kjarasamninga.

Fréttir af flugi Icelandair Verkfall flugvirkja Icelandair

Tengdar fréttir

Flugvirkjar óttast lagasetningu

Það kemur í ljós núna um og eftir hádegi hvort boðað verði til fundar í kjaradeilu flugvirkja, hjá Ríkissáttasemjara í dag. Formaður Flugvirkjafélagsins segir flugvirkja hafa dregið verulega úr kröfum sínum gagnvart viðsemjendum sínum og óttast að lög verði sett á verkfallið.

Nær öllum ferðum Icelandair til Ameríku aflýst

Icelandair hefur neyðst til þess að fresta nær öllum flugferðum flugfélagsins til Bandaríkjanna og Kanada sem voru á áætlun í dag vegna verkfalls flugvirkja félagsins. Samningafundi deiluaðila var slitið í nótt án árangurs.

Mest lesið


Fleiri fréttir

Sjá meira


×

Mest lesið