Töframaðurinn Potter í Östersund Ingvi Þór Sæmundsson skrifar 14. desember 2017 07:00 Leikmenn Östersund fögnuðu ákaft eftir að þeir tryggðu sér sæti í riðlakeppni Evrópudeildarinnar. Nokkrum mánuðum síðar tryggðu þeir sér sæti í 32-liða úrslitum keppninnar. vísir/getty Leikmenn Arsenal verða eflaust ekkert alltof spenntir þegar þeir ganga inn á Jämkraft Arena, lítinn gervigrasvöll í Svíþjóð sem tekur tæplega 8.500 manns í sæti, 15. febrúar næstkomandi. Og það verður væntanlega skítkalt enda er Östersund stundum kölluð „Vetrarborgin“. Þetta verður hins vegar stærsta stundin í sögu mótherjans, Östersund. Uppgangur þessa sænska félags á undanförnum árum hefur verið lygilegur. Til að setja þetta í eitthvert samhengi var Östersund stofnað 31. október árið 1996, 30 dögum eftir að Arsene Wenger tók við Arsenal. Samt liggja leiðir þessara tveggja liða saman í 32-liða úrslitum Evrópudeildarinnar. Fyrir 21 ári sameinuðust þrjú félög undir merkjum Östersund; Ope IF, IFK Östersund og Östersund/Torvalla FF. Næstu ár bættust tvö önnur félög við; Frösö IF og Fältjägarnas IF. Frá botninum og upp á toppGraham Potter, þjálfari Östersund, á heimavelli liðsins fyrir leik gegn Athletic Bilbao í Evrópudeild UEFA í október.Vísir/GettyTil að byrja með var Östersund ekki áberandi á landakorti sænska boltans. Liðið var í C-deild fyrstu 14 árin en féll niður í D-deild 2010. Þá tók stjórnarformaður Östersund, fyrrverandi hermaðurinn Daniel Kindberg, góða ákvörðun og réð 35 ára gamlan Englending að nafni Graham Potter. Sá hafði verið hálfgerður farandverkamaður sem leikmaður, lék með 11 liðum á 15 ára ferli, og fetaði menntaveginn að honum loknum. Hann náði sér í háskólagráðu og þjálfaði svo háskólalið. Potter virðist, eins og Englendingur með sama eftirnafn, vera göldróttur. Frá því hann tók við Östersund er hann búinn að koma liðinu upp um þrjár deildir, vinna sænska bikarmeistaratitilinn og koma því í 32-liða úrslit Evrópudeildarinnar. Í 2. umferð forkeppninnar sló Östersund tyrkneska stórliðið Galatasary út og lenti svo í 2. sæti síns riðils í riðlakeppninni. Í þeim riðli voru einnig Athletic Bilbao, Hertha Berlin og Zorya Luhansk. Östersund tapaði aðeins einum leik, fyrir Athletic á útivelli. Sá Íslendingur sem þekkir Östersund og ævintýri þess betur en nokkur annar er markvörðurinn Haraldur Björnsson. Hann lék með liðinu á árunum 2014-16 og hjálpaði því að komast upp í sænsku úrvalsdeildina. Sá þetta ekki fyrirHaraldur leikur nú með Stjörnunni í Pepsi-deild karla.vísir/ernir„Ég held að ég hefði ekki getað séð þetta fyrir þegar ég skrifaði undir hjá þeim fyrir þremur árum,“ sagði Haraldur í samtali við íþróttadeild. „Þessi bær var bara þekktur fyrir skíðagöngu og á veturna fer hitinn niður í svona 30 gráður.“ Leikmannahópur Östersund inniheldur ekki þekktustu leikmennina og þeir fá ekki hæstu launin. Rúmlega helmingur þeirra er Svíar en þar er einnig að finna leikmenn frá Englandi, Íran, Gana, Írak, Nígeríu, Kómoreyjum og Palestínu. Samkvæmt félagaskiptasíðunni Transfermarkt er allur leikmannahópur Östersund metinn á tæpar 11 milljónir punda. Til samanburðar er allur leikmannahópur Arsenal metinn á rétt rúmar 457 milljónir punda. „Það er ótrúlegt hvað þjálfarinn er búinn að gera við þennan mannskap. Þetta er sami hópur og þegar ég var þarna. Ég held að það sé einn úr byrjunarliðinu sem er nýr frá þessu ári,“ sagði Haraldur. Besti þjálfarinnStuðningsmenn Östersund.Vísir/GettyMarkvörðurinn ber Potter vel söguna og segir hann besta þjálfara sem hann hefur haft. „Hann var búinn að þjálfa eitthvert háskólalið á Englandi áður en hann kom til Östersund. Þetta hefur undið vel upp á sig. Hann er orðinn svo eftirsóttur og hafnaði félagi í ensku úrvalsdeildinni því honum fannst það ekki vera það rétta fyrir sig,“ sagði Haraldur. En hvað gerir Potter að svona góðum þjálfara? „Þessi metnaður til að bæta sig. Hann er óþreytandi í að leikgreina liðið, æfingarnar, andstæðinginn og bæta sig frá degi til dags. Það voru aldrei nein útihlaup, aldrei neinar mælingar, heldur bara fótbolti og ekkert annað.“ Haraldur segir að Potter fari líka óhefðbundnar leiðir í að hrista leikmannahóp Östersund saman og hugsi út fyrir kassann fræga. „Þeir eru með menningarprógramm. Þegar ég var þarna vorum við með danssýningu. Síðustu 5-6 árin eru þeir búnir að setja upp listasýningu og vera með tónleika fyrir framan 1.500 manns. Þetta er svo sérstakt,“ sagði Haraldur en Östersund tekur samfélagshlutverk sitt alvarlega. Félagið hefur m.a. boðið hælisleitendum á leiki og að horfa á æfingar og verið með vakt til að hjálpa konum að komast heilu og höldnu heim til sín á kvöldin.Uppgangur Östersund:2011: 1. sæti í D-deild norður2012: 1. sæti í C-deild norður2013: 10. sæti í B-deild2014: 5. sæti í B-deild2015: 2. sæti í B-deild2016: 8. sæti í A-deild2017: 5. sæti í A-deild, bikarmeistarar, í 32-liða úrslit Evrópudeildarinnar Evrópudeild UEFA Fótbolti á Norðurlöndum Mest lesið Mo Salah fjarlægði nafn Liverpool af miðlum sínum Enski boltinn Hatar hvítu stuttbuxurnar Handbolti Uppgjörið FH - Haukar 27-26 | Birgir Már tryggði FH sigur eftir spennutrylli Handbolti Neyddar í sömu stöðu og Ísland og límdu melónur á skóna Handbolti Leik lokið: Breiðablik-KuPS 0-0 | Höskuldur klúðraði víti og Blikar bíða enn Fótbolti Uppgjörið: Grindavík-KR 78-77 | Arnór Tristan með sigurkörfuna Körfubolti Þjálfari og leikmaður í NBA handteknir Körfubolti Sjáðu öll mörkin: Neitaði að fagna í sýningu Liverpool Fótbolti Uppgjörið: Njarðvík-Tindastóll 98-90 | Njarðvíkingar skelltu Stólunum Körfubolti Langþráður sigur með nýtt kerfi en Slot áhyggjufullur Enski boltinn Fleiri fréttir Sambandsdeildin | Logi í sigurliði og Crystal Palace lá á heimavelli Evrópudeildin | Elías hélt hreinu í Evrópudeildinni Freyr stýrði Brann til sigurs á Rangers og Albert skoraði Leik lokið: Breiðablik-KuPS 0-0 | Höskuldur klúðraði víti og Blikar bíða enn Mo Salah fjarlægði nafn Liverpool af miðlum sínum Messi framlengir samning sinn um þrjú ár Fantasýn: Tvær gátur og svarið að losa sig við Pedro Leiktíma Sverris breytt þrisvar í dag vegna veðurs Ótrúlegur Kane sá við Messi og Ronaldo Eiður dásamaði Caicedo í beinni á Brúnni „Ákveðið sjokk“ „Heiður að fá að vera í sama flokki og hann“ Var nálægt því að hætta og fara í körfubolta Langþráður sigur með nýtt kerfi en Slot áhyggjufullur Guðrún líklegust til að koma til bjargar í eyðimörk „Kominn tími á sigur í Sambandsdeildinni“ Sjáðu öll mörkin: Neitaði að fagna í sýningu Liverpool Tekur við af læriföður sínum Sló félagsmet Bayern München en náði ekki Viktori Bjarka Vikan grískur harmleikur fyrir gríska eigandann Bayern og Real Madrid í hóp liðanna með fullt hús Chelsea bauð upp á markaveislu á Brúnni Liverpool vaknaði við vondan draum og endaði taphrinuna með stæl Matthías endar ferilinn á laugardag: „Sérstök og svolítið skrýtin tilfinning“ Höskuldur og Ólafur sátu fyrir svörum eftir viðburðarríka viku KA-strákarnir fara út með tvö mörk í mínus Arsenal með langbestu vörn Evrópu Púllarar í ferðaveseni: „Þetta er engin afsökun“ Snjó kyngir niður á Akureyri og Evrópuleikur færður inn Rýndu í lið Bjarna og Guðlaugs: „Eins og í formannsslagnum um árið“ Sjá meira
Leikmenn Arsenal verða eflaust ekkert alltof spenntir þegar þeir ganga inn á Jämkraft Arena, lítinn gervigrasvöll í Svíþjóð sem tekur tæplega 8.500 manns í sæti, 15. febrúar næstkomandi. Og það verður væntanlega skítkalt enda er Östersund stundum kölluð „Vetrarborgin“. Þetta verður hins vegar stærsta stundin í sögu mótherjans, Östersund. Uppgangur þessa sænska félags á undanförnum árum hefur verið lygilegur. Til að setja þetta í eitthvert samhengi var Östersund stofnað 31. október árið 1996, 30 dögum eftir að Arsene Wenger tók við Arsenal. Samt liggja leiðir þessara tveggja liða saman í 32-liða úrslitum Evrópudeildarinnar. Fyrir 21 ári sameinuðust þrjú félög undir merkjum Östersund; Ope IF, IFK Östersund og Östersund/Torvalla FF. Næstu ár bættust tvö önnur félög við; Frösö IF og Fältjägarnas IF. Frá botninum og upp á toppGraham Potter, þjálfari Östersund, á heimavelli liðsins fyrir leik gegn Athletic Bilbao í Evrópudeild UEFA í október.Vísir/GettyTil að byrja með var Östersund ekki áberandi á landakorti sænska boltans. Liðið var í C-deild fyrstu 14 árin en féll niður í D-deild 2010. Þá tók stjórnarformaður Östersund, fyrrverandi hermaðurinn Daniel Kindberg, góða ákvörðun og réð 35 ára gamlan Englending að nafni Graham Potter. Sá hafði verið hálfgerður farandverkamaður sem leikmaður, lék með 11 liðum á 15 ára ferli, og fetaði menntaveginn að honum loknum. Hann náði sér í háskólagráðu og þjálfaði svo háskólalið. Potter virðist, eins og Englendingur með sama eftirnafn, vera göldróttur. Frá því hann tók við Östersund er hann búinn að koma liðinu upp um þrjár deildir, vinna sænska bikarmeistaratitilinn og koma því í 32-liða úrslit Evrópudeildarinnar. Í 2. umferð forkeppninnar sló Östersund tyrkneska stórliðið Galatasary út og lenti svo í 2. sæti síns riðils í riðlakeppninni. Í þeim riðli voru einnig Athletic Bilbao, Hertha Berlin og Zorya Luhansk. Östersund tapaði aðeins einum leik, fyrir Athletic á útivelli. Sá Íslendingur sem þekkir Östersund og ævintýri þess betur en nokkur annar er markvörðurinn Haraldur Björnsson. Hann lék með liðinu á árunum 2014-16 og hjálpaði því að komast upp í sænsku úrvalsdeildina. Sá þetta ekki fyrirHaraldur leikur nú með Stjörnunni í Pepsi-deild karla.vísir/ernir„Ég held að ég hefði ekki getað séð þetta fyrir þegar ég skrifaði undir hjá þeim fyrir þremur árum,“ sagði Haraldur í samtali við íþróttadeild. „Þessi bær var bara þekktur fyrir skíðagöngu og á veturna fer hitinn niður í svona 30 gráður.“ Leikmannahópur Östersund inniheldur ekki þekktustu leikmennina og þeir fá ekki hæstu launin. Rúmlega helmingur þeirra er Svíar en þar er einnig að finna leikmenn frá Englandi, Íran, Gana, Írak, Nígeríu, Kómoreyjum og Palestínu. Samkvæmt félagaskiptasíðunni Transfermarkt er allur leikmannahópur Östersund metinn á tæpar 11 milljónir punda. Til samanburðar er allur leikmannahópur Arsenal metinn á rétt rúmar 457 milljónir punda. „Það er ótrúlegt hvað þjálfarinn er búinn að gera við þennan mannskap. Þetta er sami hópur og þegar ég var þarna. Ég held að það sé einn úr byrjunarliðinu sem er nýr frá þessu ári,“ sagði Haraldur. Besti þjálfarinnStuðningsmenn Östersund.Vísir/GettyMarkvörðurinn ber Potter vel söguna og segir hann besta þjálfara sem hann hefur haft. „Hann var búinn að þjálfa eitthvert háskólalið á Englandi áður en hann kom til Östersund. Þetta hefur undið vel upp á sig. Hann er orðinn svo eftirsóttur og hafnaði félagi í ensku úrvalsdeildinni því honum fannst það ekki vera það rétta fyrir sig,“ sagði Haraldur. En hvað gerir Potter að svona góðum þjálfara? „Þessi metnaður til að bæta sig. Hann er óþreytandi í að leikgreina liðið, æfingarnar, andstæðinginn og bæta sig frá degi til dags. Það voru aldrei nein útihlaup, aldrei neinar mælingar, heldur bara fótbolti og ekkert annað.“ Haraldur segir að Potter fari líka óhefðbundnar leiðir í að hrista leikmannahóp Östersund saman og hugsi út fyrir kassann fræga. „Þeir eru með menningarprógramm. Þegar ég var þarna vorum við með danssýningu. Síðustu 5-6 árin eru þeir búnir að setja upp listasýningu og vera með tónleika fyrir framan 1.500 manns. Þetta er svo sérstakt,“ sagði Haraldur en Östersund tekur samfélagshlutverk sitt alvarlega. Félagið hefur m.a. boðið hælisleitendum á leiki og að horfa á æfingar og verið með vakt til að hjálpa konum að komast heilu og höldnu heim til sín á kvöldin.Uppgangur Östersund:2011: 1. sæti í D-deild norður2012: 1. sæti í C-deild norður2013: 10. sæti í B-deild2014: 5. sæti í B-deild2015: 2. sæti í B-deild2016: 8. sæti í A-deild2017: 5. sæti í A-deild, bikarmeistarar, í 32-liða úrslit Evrópudeildarinnar
Evrópudeild UEFA Fótbolti á Norðurlöndum Mest lesið Mo Salah fjarlægði nafn Liverpool af miðlum sínum Enski boltinn Hatar hvítu stuttbuxurnar Handbolti Uppgjörið FH - Haukar 27-26 | Birgir Már tryggði FH sigur eftir spennutrylli Handbolti Neyddar í sömu stöðu og Ísland og límdu melónur á skóna Handbolti Leik lokið: Breiðablik-KuPS 0-0 | Höskuldur klúðraði víti og Blikar bíða enn Fótbolti Uppgjörið: Grindavík-KR 78-77 | Arnór Tristan með sigurkörfuna Körfubolti Þjálfari og leikmaður í NBA handteknir Körfubolti Sjáðu öll mörkin: Neitaði að fagna í sýningu Liverpool Fótbolti Uppgjörið: Njarðvík-Tindastóll 98-90 | Njarðvíkingar skelltu Stólunum Körfubolti Langþráður sigur með nýtt kerfi en Slot áhyggjufullur Enski boltinn Fleiri fréttir Sambandsdeildin | Logi í sigurliði og Crystal Palace lá á heimavelli Evrópudeildin | Elías hélt hreinu í Evrópudeildinni Freyr stýrði Brann til sigurs á Rangers og Albert skoraði Leik lokið: Breiðablik-KuPS 0-0 | Höskuldur klúðraði víti og Blikar bíða enn Mo Salah fjarlægði nafn Liverpool af miðlum sínum Messi framlengir samning sinn um þrjú ár Fantasýn: Tvær gátur og svarið að losa sig við Pedro Leiktíma Sverris breytt þrisvar í dag vegna veðurs Ótrúlegur Kane sá við Messi og Ronaldo Eiður dásamaði Caicedo í beinni á Brúnni „Ákveðið sjokk“ „Heiður að fá að vera í sama flokki og hann“ Var nálægt því að hætta og fara í körfubolta Langþráður sigur með nýtt kerfi en Slot áhyggjufullur Guðrún líklegust til að koma til bjargar í eyðimörk „Kominn tími á sigur í Sambandsdeildinni“ Sjáðu öll mörkin: Neitaði að fagna í sýningu Liverpool Tekur við af læriföður sínum Sló félagsmet Bayern München en náði ekki Viktori Bjarka Vikan grískur harmleikur fyrir gríska eigandann Bayern og Real Madrid í hóp liðanna með fullt hús Chelsea bauð upp á markaveislu á Brúnni Liverpool vaknaði við vondan draum og endaði taphrinuna með stæl Matthías endar ferilinn á laugardag: „Sérstök og svolítið skrýtin tilfinning“ Höskuldur og Ólafur sátu fyrir svörum eftir viðburðarríka viku KA-strákarnir fara út með tvö mörk í mínus Arsenal með langbestu vörn Evrópu Púllarar í ferðaveseni: „Þetta er engin afsökun“ Snjó kyngir niður á Akureyri og Evrópuleikur færður inn Rýndu í lið Bjarna og Guðlaugs: „Eins og í formannsslagnum um árið“ Sjá meira