Ríkisstjórnin hefur samþykkt, að tillögu forsætisráðherra, að styrkja bókagjöf til sænsku þjóðarinnar með 10 milljóna króna framlagi af ráðstöfunarfé ríkisstjórnarinnar. Þetta er gert í tilefni af opinberri heimsókn forseta Íslands til Svíþjóðar í næsta mánuði.
Í tilkynningu frá forsætisráðuneytinu segir að forsetinn muni í heimsókn sinni færa sænsku þjóðinni að gjöf 400 til 500 eintök af heildarútgáfu Íslendingasagna og þátta á sænsku.
„Sambærilegar gjafir voru afhentar í tengslum við opinberar heimsóknir forseta Íslands til Danmerkur og Noregs fyrr á þessu ári
Bókagjöfin verður afhent með viðhöfn í Uppsalakastala hinn 19. janúar nk. í viðurvist sænsku konungshjónanna og íslensku forsetahjónanna,“ segir í tilkynningunni.
Styrkir bókagjöf til Svía um tíu milljónir
Tengdar fréttir
Guðni og Eliza í opinbera heimsókn til Svíþjóðar í janúar
Karl Gústaf Svíakonungur hefur boðið Guðna Th. Jóhannessyni forseti og Elizu Reid forsetafrú í opinbera heimsókn til Svíþjóðar í næsta mánuði.
