Griffin sló í gegn í fyrsta leik með Pistons

Blake Griffin þreytti frumraun sína fyrir Detroit Pistons í nótt og olli stuðningsmönnum liðsins engum vonbrigðum.

Detroit vann þá nauman sigur á Memphis. Griffin hlóð í tvöfalda tvennu. Skoraði 24 stig og tók 10 fráköst.

„Ég vildi mæta á völlinn og gefa allt sem ég ætti. Ég er ekki búinn að læra inn á sóknina og allt í mínum leik varð því að vera í lagi. Þjálfarinn lagði upp fimm hluti sem við gátum gert saman og það gekk upp,“ sagði Griffin sáttur.

CLUTCH!

Gary Harris knocks down the three to win it! @Tissot#ThisIsYourTimepic.twitter.com/yQdT0hl6IZ

— NBA (@NBA) February 2, 2018

Það var mikil spenna í leik Denver og Oklahoma þar sem Gary Harris skoraði sigurkörfuna með 1,4 sekúndur. Fallegur þristur sem afgreiddi stjörnulið Thunder.

Úrslit:

Detroit-Memphis  104-102

Washington-Toronto  122-119

Minnesota-Milwaukee  108-98

San Antonio-Houston  91-102

Denver-Oklahoma  127-124