Leyndardómar Laugardalsstúku Jakob Bjarnar skrifar 27. mars 2018 09:15 Stúkan við Laugardalslaug má muna sinn fífil fegurri. Tímabært er að ráðast í viðhald en það kostar sitt. visir/rakel Stúkan sem stendur við Laugardalslaug hlýtur að teljast eitt helsta kennileiti Reykjavíkurborgar. Einkennandi fyrir svæðið allt, dalinn, glæsileg og dularfull í senn. Tákn um stórhug Íslendinga. Á árum áður var þetta háreist bygging en með tímanum hafa nálæg tré og byggingar gert minna úr henni þannig að hún er farin að falla inní hverfið og lætur ekki eins mikið til sín taka og fyrr. Blaðamaður og ljósmyndari Vísis komust óvænt inn í dularfull salarkynni og skúmaskot í stúkunni og þar kom eitt og annað leyndardómsfullt á daginn. Svo sem dularfullt orgel og leirtau.Bágborið ástand á stúkunni allri Stúkan öll er í slæmu ásigkomulagi en ekkert liggur fyrir hvað á að gera við hana; hvort til stendur að rífa bygginguna eða lappa uppá hana.Bak við stúkuna leynast þessar vistarverur. Og þar var sérkennilegt um að litast.visir/rakel„Það er rétt að stúkan er lokuð og er í frekar bágu ásigkomulagi,“ segir Bjarni Brynjólfsson upplýsingastjóri Reykjavíkurborgar spurður um bygginguna. Hann segir að það sé verið að taka umhverfi Laugardagslaugar í gegn og fegra með nýrri hellulögn og fleiru. En, það er ekkert deiliskipulag í gangi varðandi stúkuna. Þar er ýmis starfsemi í gangi á jarðhæð, aðstaða fyrir starfsmenn, sturtur og eimbað,“ segir Bjarni. En, svo er það efri hæðin bakatil sem við eigum eftir að kynnast nánar.Kostnaðarsamt að gera við stúkuna Einar Sveinsson arkitekt og húsasmíðameistari borgarinnar teiknaði bæði laugina og stúkuna auk þeirra Bjarna Konráðssonar og Jens Einars Þorsteinssonar. Að sögn Bjarna heyrir byggingin, sem og aðrar byggingar í eigu Reykjavíkurborgar, undir eignasjóð og viðhald er á könnu skrifstofu eigna og atvinnuþróunar og umhverfis og skipulagssviðs. Það var og.Í einu horninu var yfirgefið orgel. Ekki liggur fyrir hver á það, hvenær því var komið þarna fyrir né af hverjum. En, þarna er það í þögninni.visir/rakel„Það hafa ekki komið neinar staðfestar hugmyndir um að rífa stúkuna eða aðra notkun á henni. Líklegra er að það verði gert við hana en það er kostnaðarsamt og hefur ekki verið ákveðið.“Fúkkalykt í skúmaskotum Byggingin er einstök. Og bak við stúkuna eru veglegar tröppur og þar eru salarkynni sem ekki hefur verið vitað hvað hýsti. Þegar útsendarar Vísis áttu þar leið um bar svo til að hurðirnar þar inn voru opnar og í nafni upplýsingarinnar spurðu blaðamaður og ljósmyndari hvorki kóng né prest og ráku þar inn nefið. Og það sem nefið nam var megn fúkkalykt.Í skúmaskotum herbergjanna sem eru í stúku Laugardalslaugar er ekki margt að finna nema nokkra kassa af matarstelli. Illa í sveit sett þar.visir/rakelLjóst má vera að þarna var engin starfsemi og hefur sennilega aldrei verið. Þrátt fyrir húsnæðisskort og vöntun á plássi hefur skrifstofa eigna og atvinnuþróunar og umhverfis og skipulagssviðs aldrei séð neina sérstaka ástæðu til að nýta þetta rými. Ekki einu sinni sem geymslu.Dularfulla orgelið í stúkunni Vegsummerki; sönnunargögnin eða vísbendingarnar, sem mátti finna þarna voru komin til ára sinna. Þarna voru nokkur herbergi, vel undir súð eðli máls samkvæmt og svo skot innaf þeim. Munirnir sem voru þarna komu á óvart; gamalt fótstigið orgel undir teppi. Blaðamaður gat ekki stillt sig um að prófa að stíga það og pota í hljómborðið en hljóðfærið var rammfalskt og hafði greinilega verið þarna árum saman. Þá var þarna matar- og bollastell í nokkrum kössum.Blaðamaður reyndi sig við þetta sérkennilega og forna tæki sem virðist til þess gert að mæla togkraft.visir/rakelRafmagnstöflur voru þarna en ævafornar og komnar til ára sinna. Og dularfullt fornt tæki sem hafði verið fest þarna á vegg, væntanlega til að mæla togkraft. Þá vitum við það. Annars var þarna ekki margt að finna og talsvert pláss ónýtt. Í einum endanum hafði greinlega verið gert ráð fyrir salernisaðstöðu, í sæmilega góðu rými en þar höfðu ekki verið settar upp neinar hlandskálar, klósett eða vaskar. Þó í þessu rými væri veruleg fúkkalykt og heldur óvislegt var ekki svo að þarna væri sóðalegt. Engir kettir eða annað kvikt virðist hafa komist þarna inn í skjól, þannig að væntanlega hafa þessar vistarverur verið kyrfilega aflæstar.Glæsilegasta sundlaug í Evrópu Að endingu örlítil sagnfræði: „Þetta er glæsilegasta sundlaug, sem ég hef séð í Evrópu,“ sagði Frede Borre, forseti danska sundsambandsins um sundlaugina í Laugardal.Húsakynnin í stúkunni við Laugardal eru dularfull og þangað virðist ekki nokkur maður hafa komið lengi.visir/rakelÞetta má lesa í Morgunblaðinu laugardag 23. júlí 1966. Blaðamaður segir að hún sé óneitanlega glæsilegt mannvirki þarna sem hún stendur við Sundlaugaveginn. „Aðalbyggingin, sem hefur að geyma fataherbergi, böðin og áhorfendasvæðin, stendur götumegin, en að baki hennar er svo sundlaugin. Hún er 50 metrar að lengd, og rúmir 20 metrar á breidd, og er því lögleg fyrir heimsmeistarakeppnir,“ segir í Mogganum. Ljóst er að stórhugur einkenndi þjóðina, þá sem nú og oftast nær. „Það er einmitt í þessari nýju útilaug, sem okkar beztu sundmenn munu heyja landskeppni við Dani í sundi núna í dag og á morgun, sunnudag.“ Laugardalslaugin verður þó ekki opinberlega vígð við það tækifæri, því að ýmislegt á enn eftir að gera.“ Fram kemur að áhorfendastúkurnar eigi að geta tekið 2.600 manns í sæti. Þetta var árið 1966. En heldur hefur verið tómlegt um að litast þar undanfarin árin. Helst er að á sólríkum sumardögum laumist einn og einn sundlaugagestur þarna upp í pallana til að sóla sig.Ekkert stoppar graffarana. Hér er ýmsum spurningum ósvarað. Hver er Jón verkstjóri? Og, hvaða glæpir voru þess eðlis að menn fengju að dúsa í hinum hættulega skammarkróki?visir/rakelHinum megin er svo stúkan sjálf, sætin sem ætluð voru undir 2.600 Íslendinga sem mættu til að hvetja sundkappana til dáða.visir/rakelÚrsérgengnar rafmagnstöflur eru safngripir og ef til vill eitthvað sem Rafiðnaðarsambandið vill taka til athugunar.visir/rakel Reykjavík Skipulag Sund Sundlaugar Mest lesið Fossvogsbrúin sé álíka gáfuleg og að setja göngustíg í Reynisfjöru Innlent Ísland land númer 197 Innlent Fleiri en tuttugu látnir eftir jarðskjálfta á Filippseyjum Erlent Þurftu að finna lausn á uppskáldaðri hryðjuverkaárás á Íslandi Innlent Læknir í Kópavogi blekkti fjölskyldu sína með lygasögu um krabbamein Innlent Sendiherra fannst látinn í miðborg Parísar Erlent Fjöldauppsagnir á Keflavíkurflugvelli Innlent Segir herforingjum að búa sig undir átök gegn innlendum „óvinum“ Erlent Tillögum Trumps lýst sem uppgjöf Erlent Fyrrum meðferðarheimili sett á sölu Innlent Fleiri fréttir Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Sjá meira
Stúkan sem stendur við Laugardalslaug hlýtur að teljast eitt helsta kennileiti Reykjavíkurborgar. Einkennandi fyrir svæðið allt, dalinn, glæsileg og dularfull í senn. Tákn um stórhug Íslendinga. Á árum áður var þetta háreist bygging en með tímanum hafa nálæg tré og byggingar gert minna úr henni þannig að hún er farin að falla inní hverfið og lætur ekki eins mikið til sín taka og fyrr. Blaðamaður og ljósmyndari Vísis komust óvænt inn í dularfull salarkynni og skúmaskot í stúkunni og þar kom eitt og annað leyndardómsfullt á daginn. Svo sem dularfullt orgel og leirtau.Bágborið ástand á stúkunni allri Stúkan öll er í slæmu ásigkomulagi en ekkert liggur fyrir hvað á að gera við hana; hvort til stendur að rífa bygginguna eða lappa uppá hana.Bak við stúkuna leynast þessar vistarverur. Og þar var sérkennilegt um að litast.visir/rakel„Það er rétt að stúkan er lokuð og er í frekar bágu ásigkomulagi,“ segir Bjarni Brynjólfsson upplýsingastjóri Reykjavíkurborgar spurður um bygginguna. Hann segir að það sé verið að taka umhverfi Laugardagslaugar í gegn og fegra með nýrri hellulögn og fleiru. En, það er ekkert deiliskipulag í gangi varðandi stúkuna. Þar er ýmis starfsemi í gangi á jarðhæð, aðstaða fyrir starfsmenn, sturtur og eimbað,“ segir Bjarni. En, svo er það efri hæðin bakatil sem við eigum eftir að kynnast nánar.Kostnaðarsamt að gera við stúkuna Einar Sveinsson arkitekt og húsasmíðameistari borgarinnar teiknaði bæði laugina og stúkuna auk þeirra Bjarna Konráðssonar og Jens Einars Þorsteinssonar. Að sögn Bjarna heyrir byggingin, sem og aðrar byggingar í eigu Reykjavíkurborgar, undir eignasjóð og viðhald er á könnu skrifstofu eigna og atvinnuþróunar og umhverfis og skipulagssviðs. Það var og.Í einu horninu var yfirgefið orgel. Ekki liggur fyrir hver á það, hvenær því var komið þarna fyrir né af hverjum. En, þarna er það í þögninni.visir/rakel„Það hafa ekki komið neinar staðfestar hugmyndir um að rífa stúkuna eða aðra notkun á henni. Líklegra er að það verði gert við hana en það er kostnaðarsamt og hefur ekki verið ákveðið.“Fúkkalykt í skúmaskotum Byggingin er einstök. Og bak við stúkuna eru veglegar tröppur og þar eru salarkynni sem ekki hefur verið vitað hvað hýsti. Þegar útsendarar Vísis áttu þar leið um bar svo til að hurðirnar þar inn voru opnar og í nafni upplýsingarinnar spurðu blaðamaður og ljósmyndari hvorki kóng né prest og ráku þar inn nefið. Og það sem nefið nam var megn fúkkalykt.Í skúmaskotum herbergjanna sem eru í stúku Laugardalslaugar er ekki margt að finna nema nokkra kassa af matarstelli. Illa í sveit sett þar.visir/rakelLjóst má vera að þarna var engin starfsemi og hefur sennilega aldrei verið. Þrátt fyrir húsnæðisskort og vöntun á plássi hefur skrifstofa eigna og atvinnuþróunar og umhverfis og skipulagssviðs aldrei séð neina sérstaka ástæðu til að nýta þetta rými. Ekki einu sinni sem geymslu.Dularfulla orgelið í stúkunni Vegsummerki; sönnunargögnin eða vísbendingarnar, sem mátti finna þarna voru komin til ára sinna. Þarna voru nokkur herbergi, vel undir súð eðli máls samkvæmt og svo skot innaf þeim. Munirnir sem voru þarna komu á óvart; gamalt fótstigið orgel undir teppi. Blaðamaður gat ekki stillt sig um að prófa að stíga það og pota í hljómborðið en hljóðfærið var rammfalskt og hafði greinilega verið þarna árum saman. Þá var þarna matar- og bollastell í nokkrum kössum.Blaðamaður reyndi sig við þetta sérkennilega og forna tæki sem virðist til þess gert að mæla togkraft.visir/rakelRafmagnstöflur voru þarna en ævafornar og komnar til ára sinna. Og dularfullt fornt tæki sem hafði verið fest þarna á vegg, væntanlega til að mæla togkraft. Þá vitum við það. Annars var þarna ekki margt að finna og talsvert pláss ónýtt. Í einum endanum hafði greinlega verið gert ráð fyrir salernisaðstöðu, í sæmilega góðu rými en þar höfðu ekki verið settar upp neinar hlandskálar, klósett eða vaskar. Þó í þessu rými væri veruleg fúkkalykt og heldur óvislegt var ekki svo að þarna væri sóðalegt. Engir kettir eða annað kvikt virðist hafa komist þarna inn í skjól, þannig að væntanlega hafa þessar vistarverur verið kyrfilega aflæstar.Glæsilegasta sundlaug í Evrópu Að endingu örlítil sagnfræði: „Þetta er glæsilegasta sundlaug, sem ég hef séð í Evrópu,“ sagði Frede Borre, forseti danska sundsambandsins um sundlaugina í Laugardal.Húsakynnin í stúkunni við Laugardal eru dularfull og þangað virðist ekki nokkur maður hafa komið lengi.visir/rakelÞetta má lesa í Morgunblaðinu laugardag 23. júlí 1966. Blaðamaður segir að hún sé óneitanlega glæsilegt mannvirki þarna sem hún stendur við Sundlaugaveginn. „Aðalbyggingin, sem hefur að geyma fataherbergi, böðin og áhorfendasvæðin, stendur götumegin, en að baki hennar er svo sundlaugin. Hún er 50 metrar að lengd, og rúmir 20 metrar á breidd, og er því lögleg fyrir heimsmeistarakeppnir,“ segir í Mogganum. Ljóst er að stórhugur einkenndi þjóðina, þá sem nú og oftast nær. „Það er einmitt í þessari nýju útilaug, sem okkar beztu sundmenn munu heyja landskeppni við Dani í sundi núna í dag og á morgun, sunnudag.“ Laugardalslaugin verður þó ekki opinberlega vígð við það tækifæri, því að ýmislegt á enn eftir að gera.“ Fram kemur að áhorfendastúkurnar eigi að geta tekið 2.600 manns í sæti. Þetta var árið 1966. En heldur hefur verið tómlegt um að litast þar undanfarin árin. Helst er að á sólríkum sumardögum laumist einn og einn sundlaugagestur þarna upp í pallana til að sóla sig.Ekkert stoppar graffarana. Hér er ýmsum spurningum ósvarað. Hver er Jón verkstjóri? Og, hvaða glæpir voru þess eðlis að menn fengju að dúsa í hinum hættulega skammarkróki?visir/rakelHinum megin er svo stúkan sjálf, sætin sem ætluð voru undir 2.600 Íslendinga sem mættu til að hvetja sundkappana til dáða.visir/rakelÚrsérgengnar rafmagnstöflur eru safngripir og ef til vill eitthvað sem Rafiðnaðarsambandið vill taka til athugunar.visir/rakel
Reykjavík Skipulag Sund Sundlaugar Mest lesið Fossvogsbrúin sé álíka gáfuleg og að setja göngustíg í Reynisfjöru Innlent Ísland land númer 197 Innlent Fleiri en tuttugu látnir eftir jarðskjálfta á Filippseyjum Erlent Þurftu að finna lausn á uppskáldaðri hryðjuverkaárás á Íslandi Innlent Læknir í Kópavogi blekkti fjölskyldu sína með lygasögu um krabbamein Innlent Sendiherra fannst látinn í miðborg Parísar Erlent Fjöldauppsagnir á Keflavíkurflugvelli Innlent Segir herforingjum að búa sig undir átök gegn innlendum „óvinum“ Erlent Tillögum Trumps lýst sem uppgjöf Erlent Fyrrum meðferðarheimili sett á sölu Innlent Fleiri fréttir Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Sjá meira