Enginn ræður við innköstin Kristinn Páll skrifar 7. apríl 2018 08:00 Stelpurnar fagna marki Gunnhildar. Mynd/Hafliði Breiðfjörð Íslenska kvennalandsliðið í knattspyrnu vann öruggan 2-0 sigur á Slóveníu ytra í gærkvöldi og náði toppsæti riðilsins í undankeppni HM 2019 í bili með tíu stig að fjórum umferðum loknum. Var þetta þriðji útileikur Íslands í riðlinum en Stelpurnar okkar mæta Færeyjum á þriðjudaginn kemur í síðasta útileiknum áður en þær ljúka keppninni á fjórum heimaleikjum í röð. Ísland missir toppsæti riðilsins til Þýskalands eða Tékklands þegar liðin mætast í dag en þegar öll liðin hafa leikið fjóra leiki er Ísland efst í riðlinum með tíu stig.Sterk byrjun Líkt og þegar liðin mættust á sama stað í undankeppni EM árið 2015 byrjaði íslenska liðið af krafti og voru þær ákveðnar í að brjóta ísinn snemma. Eftir að hafa stýrt leiknum komst Ísland yfir með marki Gunnhildar Yrsu Jónsdóttur, hennar þriðja í undankeppninni, á 15. mínútu eftir langt innkast. Tuttugu mínútum síðar bætti Rakel Hönnudóttir við marki af stuttu færi þegar boltinn féll fyrir fætur hennar í vítateig Slóvena og leiddi Ísland 2-0 í hálfleik. Slóvenar komust betur inn í leikinn á upphafsmínútum seinni hálfleiks og voru mun meira með boltann án þess að ógna marki Íslands. Fékk Ísland nokkur hálffæri til að klára leikinn endanlega en mörkin tvö úr fyrri hálfleik dugðu til. Freyr Alexandersson, þjálfari liðsins, var hinn kátasti er Fréttablaðið heyrði í honum eftir leik. „Fyrri hálfleikurinn var frábær af okkar hálfu sem er afar ánægjulegt, við spiluðum vel og varnarleikurinn var afar öflugur. Við vorum að vinna boltann hratt og færa boltann í þau svæði sem við vildum sækja í og sköpuðum fyrir vikið fullt af góðum færum. Svo skorum við úr löngu innköstunum sem enginn ræður við,“ segir Freyr en bæði mörkin komu eftir löng innköst frá Sif Atladóttur.Hægðu á leiknum í seinni „Mér fannst þetta hrikalega fallegt mark, þetta var beint af æfingasvæðinu,“ sagði Freyr hlæjandi um mark Gunnhildar sem hún virtist skora með maganum. „Hvort sem það er með maganum, hnénu eða ristinni er mér alveg sama ef leikmennirnir klára hlaupin sín og gera það vel. Við vorum árásargjörn í föstum leikatriðum og uppskárum tvö mörk upp úr því, að okkar mati eigum við að geta gert usla með föstum leikatriðum gegn hvaða andstæðingi sem er.“ Honum fannst spilamennskan aðeins detta niður í upphafi seinni hálfleiks. „Það kemur 20-25 mínútna kafli í seinni hálfleik þar sem spilamennskan er ekki nægilega góð hreint út sagt, það er kannski eðlilegt á þessum árstíma að ná ekki að halda sama hraða í 90 mínútur en þetta var fulllangt að mínu mati. Í byrjun vorum við að vinna boltann í fyrstu pressu og fórum á rétta staði með hann sem kom í veg fyrir að þær hægðu á leiknum og klukkuðu okkur. Það hjálpaði okkur að halda góðu flæði í fyrri hálfleik en vantaði í byrjun seinni hálfleiks, þá náðu þær að hægja leikinn og hnoðast aðeins meira og settu meiri pressu á okkur.“ Þrátt fyrir það fannst þjálfaranum forskotið ekki í hættu. „Við vorum með öll tök á leiknum, þó að þær hafi komið dýrvitlausar út úr hálfleiknum á sama tíma og við vorum aðeins farnar að slaka á, þá vorum við með gott tak á leiknum og betra liðið og náðum í stigin þrjú sem skipta máli. Í raun var það helsta sem fór í taugarnar á mér að bæta ekki við mörkum upp á gleðina að gera.“Brynjar tekur víkingaklappið Fram undan er leikur gegn Færeyjum en það er síðasti útileikur Íslands í undankeppninni. Ísland vann fyrri leik liðanna á Laugardalsvelli 8-0 en með sigri tekst Íslandi að taka þrettán stig af fimmtán mögulegum á útivelli, nokkuð sem liðið setti sér sem markmið. „Við horfðum á þennan stigafjölda, þrettán stig í fimm leikjum, það væri frábær árangur og myndi setja okkur í þá stöðu sem við viljum vera í þegar kemur að lokaumferðunum. Við erum spennt að fara til Færeyja, ég þekki marga þarna og er spenntur að koma þangað. Ég ætlast til þess að við gerum enn betur og sækjum stigin þrjú og komum heim í toppsætinu,“ sagði Freyr en íslenska liðið flýgur til Færeyja frá Kaupmannahöfn á sunnudaginn. Freyr kvaðst vera búinn að mynda stuðningsmannasveit í Færeyjum. „Brynjar Hlöðversson ætlar að vera í stúkunni með trommur að styðja við bakið á okkur, Jónas Tór Næs verður þarna líka. Brynjar er á við heilan her og ætlar að taka víkingaklappið svo að við fáum góðan stuðning þar,“ sagði Freyr léttur að lokum. Birtist í Fréttablaðinu Mest lesið Íslenskur doktorsnemi Englandsmeistari: Rannsakar prótín og skorar af línunni í Oxford Sport Lokaumferðin í enska: Newcastle hélt Meistaradeildarsætinu Enski boltinn Aron Pálmarsson leggur skóna á hilluna í sumar Handbolti Í beinni: FH - Breiðablik | Tekst að stoppa Blika? Íslenski boltinn Sjáðu mörkin úr endurkomu Vestra og þrumufleyg Hallgríms Íslenski boltinn Uppgjörið: FHL - Þróttur 0-4 | Þróttarar á toppinn eftir stórsigur fyrir austan Íslenski boltinn Aron Einar tók þátt í að binda endi á langa bikarbið Al-Gharafa Fótbolti Bastarður ráðinn til starfa Fótbolti Ítalíumeistararnir að landa De Bruyne Fótbolti Garnacho ekki í hóp Enski boltinn Fleiri fréttir Parma bjargaði sér frá falli á elleftu stundu Bjartari tímar framundan á Old Trafford að sögn Amorim Í beinni: FH - Breiðablik | Tekst að stoppa Blika? Í beinni: Athletic Bilbao - Barcelona | Meistararnir stimpla sig út United gerði út um Meistaradeildardrauma Villa Lokaumferðin í enska: Newcastle hélt Meistaradeildarsætinu Palace tókst næstum að skemma bikargleði Liverpool Íslenskt sigurmark í Íslendingaslagnum Uppgjörið: FHL - Þróttur 0-4 | Þróttarar á toppinn eftir stórsigur fyrir austan Garnacho ekki í hóp Sjáðu mörkin úr endurkomu Vestra og þrumufleyg Hallgríms Ætlar að biðja stuðningsmennina afsökunar eftir lokaleikinn Aron Einar tók þátt í að binda endi á langa bikarbið Al-Gharafa Real Madrid staðfestir loks komu Xabi Alonso Ítalíumeistararnir að landa De Bruyne Ísak Bergmann hljóp mest allra Bastarður ráðinn til starfa Furðu erfitt að mæta systur sinni „Ég hefði getað sett þrjú“ Daði Berg: Eiginlega ekki við hæfi barna Gary Martin aftur í ensku deildina Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Arsenal vann Meistaradeildina í annað sinn Uppgjörið: Víkingur - ÍA 2-1 | Víkingar tylltu sér á toppinn Uppgjör: Vestri - Stjarnan 3-1 | Ísfirðingar sneru við taflinu í seinni hálfleik Markaveisla í Grindavík og dramatík á Húsavík Ancelotti og Modric kvaddir með sigri Sjáðu laglegt sigurmark Ídu gegn meisturunum og vítavörslu Kötlu Uppgjörið: KA - Afturelding 1-0 | KA af botninum Sunderland vann milljónaleikinn og komst upp í úrvalsdeildina Sjá meira
Íslenska kvennalandsliðið í knattspyrnu vann öruggan 2-0 sigur á Slóveníu ytra í gærkvöldi og náði toppsæti riðilsins í undankeppni HM 2019 í bili með tíu stig að fjórum umferðum loknum. Var þetta þriðji útileikur Íslands í riðlinum en Stelpurnar okkar mæta Færeyjum á þriðjudaginn kemur í síðasta útileiknum áður en þær ljúka keppninni á fjórum heimaleikjum í röð. Ísland missir toppsæti riðilsins til Þýskalands eða Tékklands þegar liðin mætast í dag en þegar öll liðin hafa leikið fjóra leiki er Ísland efst í riðlinum með tíu stig.Sterk byrjun Líkt og þegar liðin mættust á sama stað í undankeppni EM árið 2015 byrjaði íslenska liðið af krafti og voru þær ákveðnar í að brjóta ísinn snemma. Eftir að hafa stýrt leiknum komst Ísland yfir með marki Gunnhildar Yrsu Jónsdóttur, hennar þriðja í undankeppninni, á 15. mínútu eftir langt innkast. Tuttugu mínútum síðar bætti Rakel Hönnudóttir við marki af stuttu færi þegar boltinn féll fyrir fætur hennar í vítateig Slóvena og leiddi Ísland 2-0 í hálfleik. Slóvenar komust betur inn í leikinn á upphafsmínútum seinni hálfleiks og voru mun meira með boltann án þess að ógna marki Íslands. Fékk Ísland nokkur hálffæri til að klára leikinn endanlega en mörkin tvö úr fyrri hálfleik dugðu til. Freyr Alexandersson, þjálfari liðsins, var hinn kátasti er Fréttablaðið heyrði í honum eftir leik. „Fyrri hálfleikurinn var frábær af okkar hálfu sem er afar ánægjulegt, við spiluðum vel og varnarleikurinn var afar öflugur. Við vorum að vinna boltann hratt og færa boltann í þau svæði sem við vildum sækja í og sköpuðum fyrir vikið fullt af góðum færum. Svo skorum við úr löngu innköstunum sem enginn ræður við,“ segir Freyr en bæði mörkin komu eftir löng innköst frá Sif Atladóttur.Hægðu á leiknum í seinni „Mér fannst þetta hrikalega fallegt mark, þetta var beint af æfingasvæðinu,“ sagði Freyr hlæjandi um mark Gunnhildar sem hún virtist skora með maganum. „Hvort sem það er með maganum, hnénu eða ristinni er mér alveg sama ef leikmennirnir klára hlaupin sín og gera það vel. Við vorum árásargjörn í föstum leikatriðum og uppskárum tvö mörk upp úr því, að okkar mati eigum við að geta gert usla með föstum leikatriðum gegn hvaða andstæðingi sem er.“ Honum fannst spilamennskan aðeins detta niður í upphafi seinni hálfleiks. „Það kemur 20-25 mínútna kafli í seinni hálfleik þar sem spilamennskan er ekki nægilega góð hreint út sagt, það er kannski eðlilegt á þessum árstíma að ná ekki að halda sama hraða í 90 mínútur en þetta var fulllangt að mínu mati. Í byrjun vorum við að vinna boltann í fyrstu pressu og fórum á rétta staði með hann sem kom í veg fyrir að þær hægðu á leiknum og klukkuðu okkur. Það hjálpaði okkur að halda góðu flæði í fyrri hálfleik en vantaði í byrjun seinni hálfleiks, þá náðu þær að hægja leikinn og hnoðast aðeins meira og settu meiri pressu á okkur.“ Þrátt fyrir það fannst þjálfaranum forskotið ekki í hættu. „Við vorum með öll tök á leiknum, þó að þær hafi komið dýrvitlausar út úr hálfleiknum á sama tíma og við vorum aðeins farnar að slaka á, þá vorum við með gott tak á leiknum og betra liðið og náðum í stigin þrjú sem skipta máli. Í raun var það helsta sem fór í taugarnar á mér að bæta ekki við mörkum upp á gleðina að gera.“Brynjar tekur víkingaklappið Fram undan er leikur gegn Færeyjum en það er síðasti útileikur Íslands í undankeppninni. Ísland vann fyrri leik liðanna á Laugardalsvelli 8-0 en með sigri tekst Íslandi að taka þrettán stig af fimmtán mögulegum á útivelli, nokkuð sem liðið setti sér sem markmið. „Við horfðum á þennan stigafjölda, þrettán stig í fimm leikjum, það væri frábær árangur og myndi setja okkur í þá stöðu sem við viljum vera í þegar kemur að lokaumferðunum. Við erum spennt að fara til Færeyja, ég þekki marga þarna og er spenntur að koma þangað. Ég ætlast til þess að við gerum enn betur og sækjum stigin þrjú og komum heim í toppsætinu,“ sagði Freyr en íslenska liðið flýgur til Færeyja frá Kaupmannahöfn á sunnudaginn. Freyr kvaðst vera búinn að mynda stuðningsmannasveit í Færeyjum. „Brynjar Hlöðversson ætlar að vera í stúkunni með trommur að styðja við bakið á okkur, Jónas Tór Næs verður þarna líka. Brynjar er á við heilan her og ætlar að taka víkingaklappið svo að við fáum góðan stuðning þar,“ sagði Freyr léttur að lokum.
Birtist í Fréttablaðinu Mest lesið Íslenskur doktorsnemi Englandsmeistari: Rannsakar prótín og skorar af línunni í Oxford Sport Lokaumferðin í enska: Newcastle hélt Meistaradeildarsætinu Enski boltinn Aron Pálmarsson leggur skóna á hilluna í sumar Handbolti Í beinni: FH - Breiðablik | Tekst að stoppa Blika? Íslenski boltinn Sjáðu mörkin úr endurkomu Vestra og þrumufleyg Hallgríms Íslenski boltinn Uppgjörið: FHL - Þróttur 0-4 | Þróttarar á toppinn eftir stórsigur fyrir austan Íslenski boltinn Aron Einar tók þátt í að binda endi á langa bikarbið Al-Gharafa Fótbolti Bastarður ráðinn til starfa Fótbolti Ítalíumeistararnir að landa De Bruyne Fótbolti Garnacho ekki í hóp Enski boltinn Fleiri fréttir Parma bjargaði sér frá falli á elleftu stundu Bjartari tímar framundan á Old Trafford að sögn Amorim Í beinni: FH - Breiðablik | Tekst að stoppa Blika? Í beinni: Athletic Bilbao - Barcelona | Meistararnir stimpla sig út United gerði út um Meistaradeildardrauma Villa Lokaumferðin í enska: Newcastle hélt Meistaradeildarsætinu Palace tókst næstum að skemma bikargleði Liverpool Íslenskt sigurmark í Íslendingaslagnum Uppgjörið: FHL - Þróttur 0-4 | Þróttarar á toppinn eftir stórsigur fyrir austan Garnacho ekki í hóp Sjáðu mörkin úr endurkomu Vestra og þrumufleyg Hallgríms Ætlar að biðja stuðningsmennina afsökunar eftir lokaleikinn Aron Einar tók þátt í að binda endi á langa bikarbið Al-Gharafa Real Madrid staðfestir loks komu Xabi Alonso Ítalíumeistararnir að landa De Bruyne Ísak Bergmann hljóp mest allra Bastarður ráðinn til starfa Furðu erfitt að mæta systur sinni „Ég hefði getað sett þrjú“ Daði Berg: Eiginlega ekki við hæfi barna Gary Martin aftur í ensku deildina Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Arsenal vann Meistaradeildina í annað sinn Uppgjörið: Víkingur - ÍA 2-1 | Víkingar tylltu sér á toppinn Uppgjör: Vestri - Stjarnan 3-1 | Ísfirðingar sneru við taflinu í seinni hálfleik Markaveisla í Grindavík og dramatík á Húsavík Ancelotti og Modric kvaddir með sigri Sjáðu laglegt sigurmark Ídu gegn meisturunum og vítavörslu Kötlu Uppgjörið: KA - Afturelding 1-0 | KA af botninum Sunderland vann milljónaleikinn og komst upp í úrvalsdeildina Sjá meira