Átján fórust í eldsvoða á karaókístað í Kína

Eldsvoði í karaókíbar í kínversku borginni Yingde varð átján manns að bana í nótt. Karlmaður á fertugsaldri hefur verið handtekinn grunaður um íkveikju.

Fimm aðrir slösuðust í eldinum sem braust út í þriggja hæða byggingu skömmu eftir miðnætti að staðartíma, að sögn breska ríkisútvarpins BBC. Grunaði brennuvargurinn er sagður hafa lokað eina útgangi barsins með bifhjóli áður en hann kveikti í.

Hann hlaut sjálfur brunasár og var handtekinn í morgun eftir að lögregla hafði boðið fé fyrir upplýsingar um hann.