Norrköping hafði betur í Íslendingaslag

Elías Már Ómarsson var í byrjunarliði Gautaborgar sem fékk Íslendingalið Norrköping í heimsókn í sænsku úrvalsdeildinni í dag.

Jón Guðni Fjóluson, Guðmundur Þórarinsson og Arnór Sigurðsson voru allir í byrjunarliði gestanna en Alfons Sampsted sat allan tímann á varamannabekknum.

Eftir markalausan fyrri hálfleik reyndust gestirnir sterkari í þeim síðari þar sem þeir Kalle Holmberg og Simon Skrabb sáu um markaskorun.

Elías og Arnór fóru báðir útaf eftir klukkutíma leik en Jón Guðni og Guðmundur léku allan leikinn.