Á­fram í gæslu­varð­haldi grunaður um að hafa orðið bróður sínum að bana

Héraðsdómur Suðurlands féllst í dag á kröfu lögreglustjórans á Suðurlandi um að framlengja skuli gæsluvarðhald yfir karlmanni sem grunaður er um að hafa orðið valdur að bana bróður síns á bænum Gýgjarhóli II í Biskupstungum þann 31. mars síðastliðinn. Mun hann sitja í gæsluvarðhaldi allt til 22. júní næstkomandi en rannsókn málsins er lokið.

Sjá einnig:Tjáði lögreglu að „fljótt á litið væri hann bara morðingi“

Í tilkynningu frá lögreglunni á Suðurlandi segir að unnið sé að frágangi gagna og verður málið sent til Héraðssaksóknara til ákærumeðferðar á næstu dögum.

Hinn grunaði hefur verið í gæsluvarðhaldi frá því að málið kom upp í lok mars.