Theodór inn fyrir Ragnar í kvöld

Ísland gerir eina breytingu á leikmannahópi sínum fyrir seinni umspilsleikinn við Litháen um sæti á HM 2019 sem fram fer í Laugardalshöll í kvöld. Theodór Sigurbjörnsson kemur inn fyrir Ragnar Jóhannsson.

Ekki er tekið fram í tilkynningu frá HSÍ hvers vegna breytingin er gerð, aðeins að Ragnar hvíli og Theodór komi inn.

Liðin gerðu jafntefli 27-27 í fyrri leiknum ytra og því ljóst að ekkert nema sigur er í boði fyrir íslensku strákana í Höllinni í kvöld ætli þeir sér á HM.

Leikurinn hefst klukkan 20:00 og verður í beinni textalýsingu hér á Vísi.