Öskraði bara eitthvað bull á spænsku

Alfreð Finnbogason, framherji íslenska landsliðsins í fótbolta, vatki athygli fyrir fagnið sem að hann bauð upp á gegn Argentínu þegar að hann jafnaði metin í 1-1.

Alfreð skoraði með fínu skoti af stuttu færi og hljóp svo út að hliðarlínu þar sem að hann öskraði í eina af myndavélunum sem voru að taka upp leikinn.

Mátti samt reyna @A_Finnbogasonpic.twitter.com/TMYsCIlyru

— Sportið á Vísi (@VisirSport) June 20, 2018

Framherjinn fékk spurningu á blaðamannafundi íslenska landsliðsins í dag um hvað hann öskraði. Alfreð sagðist hafa fengið þessa spurningu áður en hann getur bara ekki svarað henni.

„Ég bullaði bara eitthvað á spænsku en ekkert sem að meikar sens. Myndavél beið mín þar þannig mér fannst ég þurfa að segja eitthvað við hana en það kom ekkert af viti út,“ sagði Alfreð og uppskar hlátrasköll í tjaldinu.

Vísir er með öflugt teymi í Rússlandi sem verður með ítarlegan fréttaflutning af íslenska liðinu á HM. Fylgist með á samfélagsmiðlum okkar - á Facebook, Twitter og Instagram.