Innlent

Sækja slasaða konu í Fljótavík

Kolbeinn Tumi Daðason skrifar
Hornstrandir. Fljótavík er merkt með rauðum hring og bláum depil.
Hornstrandir. Fljótavík er merkt með rauðum hring og bláum depil. Loftmyndir.is
TF-SYN, þyrla Landhelgisgæslunnar, lenti nú fyrir skömmu í Fljótavík á Hornströndum en hún var kölluð út á tólfta tímanum í dag vegna slasaðrar konu á svæðinu. Þyrlan tók á loft frá Reykjavík klukkan 11:40 og lenti í Fljótavík klukkan 13 að því er segir í tilkynningu frá Landhelgisgæslunni.

Vegna veðurs og slæms sjólags var ákveðið að senda þyrlu til að sækja konuna. Björgunarskip frá Ísafirði, á vegum Slysavarnafélagsins Landsbjargar, var sömuleiðis kallað út. Þyrlan mun flytja konuna á sjúkrahús í Reykjavík.

Hornstrandir

Mest lesið


Fleiri fréttir

Sjá meira


×

Mest lesið