Styttist í að öll sautján missi vinnuna Kolbeinn Tumi Daðason skrifar 10. júlí 2018 09:15 Dagsetningin þegar fólk fær að aka endurgjaldslaust í gegnum göngin liggur ekki fyrir. Það verður þó í september að sögn Gylfa. fréttablaðið/pjetur Átta starfsmenn í gjaldskýlinu við Akranesenda Hvalfjarðarganga missa vinnuna þegar hætt verður að rukka í göngunum í haust. Ekki hefur verið tekin ákvörðun um dagsetningu en stefnt er á september. Starfsfólk á skrifstofu, sem telja alls níu, heldur vinnu sinni aðeins lengur þar sem gera þarf upp tugþúsundir samninga við viðskiptavini eftir að akstur um göngin verður gjaldfrjáls. Að því loknu missa allir vinnuna.Umfjöllun Morgunblaðsins í kjölfar þess að göngin voru opnuð. Tvö þúsund manns tóku þátt í Hvalfjarðarhlaupinu á opnunardaginn, eina daginn sem mátt hefur hlaupa í gegnum göngin.Morgunblaðið 14. júlí 1998Finna rétta tímapunktinn Miðvikudaginn 11. júlí verða slétt tuttugu ár síðan göngin voru opnuð með pompi og prakt. Um kaflaskil var að ræða enda styttist þjóðvegur eitt um 42 kílómetra. Mesta breytingin varð þó fyrir íbúa Akraness en landleið þeirra til Reykjavíkur styttist um 60 kílómetra. Fyrirtækið Spölur var stofnað vegna verksins og lá fyrir að þegar lán væri greidd upp þá yrðu göngin afhent íslenska ríkinu. Nú styttist í þann dag. „Það er ekki komin dagsetning en það verður örugglega í september. Það verður ekki hægt að festa dagsetninguna fyrr en seinni partinn í ágúst,“ segir Gylfi Þórðarson, framkvæmdastjóri Spalar. Hægt og bítandi sé verið að finna rétta tímapunktinn og þar spili ýmislegt inn í. Til þurfi að vera nægt fé til að greiða allt sem þurfi að greiða, það fari eftir umferðinni. „Við sjáum ekki allar tölur enn.“Gylfi Þórðarson, framkvæmdastjóri Spalar.Þarf að gera upp tugi þúsunda samninga Landsmenn fengu að aka í gegnum göngin endurgjaldslaust fyrstu dagana á sínum tíma en síðan hefur verið greitt, hvort sem farið er í norðurátt eða suðurátt. Margar svartsýnisspár voru á sínum tíma um framkvæmdina en óhætt er að fullyrða að svo til allir nýti göngin í dag á ferð sinni um landið nema þeir sem ætli sér sérstaklega að upplifa fegurð Hvalfjarðar eða eigi erindi í fjörðinn sjálfan. Átta starfsmenn starfa við gjaldtöku í gjaldskýlum við nyrðri enda ganganna samkvæmt vaktakerfi þar sem tveir eru á vakt frá morgni til kvölds og einn á næturnar. Þá eru nokkrir starfsmenn á skrifstofu Spalar. „Það er ýmist búið að segja fólki upp, í gjaldskýlinu, eða það vinnur áfram á skrifstofunni,“ segir Gylfi. Það er þó skammgóður vermir. Starfsfólk á skrifstofu þurfi að gera upp samninga við viðskiptavini en í framhaldinu verði skrifstofunni lokað. „Þetta eru um tuttugu þúsund samningar en mörgum samningum fylgir fleiri en einn lykill. Þeir eru 52 þúsund,“ segir Gylfi. Allir samningar verði gerðir upp. Sömuleiðis afsláttarkort sem fjölmargir eigi auk þess sem fólk sem skilar lyklunum fái endurgreitt. „Þetta tekur allt sinn tíma.“Vegagerðin tekur við rekstri gangnanna.Fréttablaðið/PjeturAlls konar aukavinna í göngunum Starfsfólkið í gjaldskýlinu hefur einnig sinnt því sem komið hefur upp á vaktinni. „Fólkið hefur haft nóg að gera við að aðstoða fólk þegar dekk hefur sprungið, einhver bilun kemur upp og þess háttar. Þetta eru einu göngin á Íslandi sem eru neðansjávar og það vekur eðlilega stundum kvíða hjá fólki. Göngin eru ekki bein, liggja í sveig og fleira,“ segir Gylfi. Hann þekki ekki til hvernig öryggisgæslu verði sinnt í framhaldinu. Vegagerðin, sem nú tekur við rekstri gangnanna, verði að svara því. Eðli málsins samkvæmt komi tilfinningar við sögu þegar starfsfólki sé sagt upp störfum. „Það er alltaf slæmt að missa vinnuna en þetta er í sjálfu sér fyrirséð, að göngin yrðu afhent þegar búið væri að greiða. Svo þetta kemur ekki á óvart þannig lagað en það eru margir búnir að vera lengi hjá okkur.“Eftirlit í vaktstöð Gísli Eiríksson, forstöðumaður hjá Vegagerðinni, segir að eftirliti með Hvalfjarðargöngum verði sinnt hjá vaktstöðvum. Þeim hinum sömu og hafi eftirlit með vetrarþjónustunni. Líklega þurfi að fjölga eitthvað af starfsfólki en auk þess hafi sum starfsgildin aðeins verið yfir sumarið og gætu þá verið lengd svo þau nái yfir allt árið. Vakstöðin getur fylgst með gangi mála í tölvukerfum, séð hvað kemur upp í göngunum, fylgst með mengun og þar fram eftir götunum. Tvær vaktstöðvar eru á landinu. Ein á Ísafirði sem sinni eftirliti með göngum á Vestfjörðum og Norðurlandi. Hin sé í Reykjavík sem fylgist með Suður- og Suðvesturlandi. Samgöngur Vistaskipti Mest lesið Skólamál í Kópavogi: Bókun eftir bókun á fundi bæjarstjórnar Innlent Sé hægt að gera byltingu í íslensku heilbrigðiskerfi Innlent Hafna „órökstuddum fullyrðingum“ Sigurðar Inga Innlent Glímdi við veikindi fyrir andlátið sem breyttu persónuleika hans Innlent Menningarráðherra skipaði son heilbrigðisráðherra í formannsstörf Innlent Gátu ekki opnað hraðbankann þrátt fyrir ítrekaðar tilraunir Innlent Þyrlan kölluð út vegna slasaðs manns í Gemludal Innlent Bylting framundan en Landspítalinn þurfi að hlaupa hraðar Innlent Grunaður hraðbankaþjófur nennti ekki með austur nóttina örlagaríku Innlent Stefna Open AI vegna sjálfsvígs sonarins Erlent Fleiri fréttir Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sjá meira
Átta starfsmenn í gjaldskýlinu við Akranesenda Hvalfjarðarganga missa vinnuna þegar hætt verður að rukka í göngunum í haust. Ekki hefur verið tekin ákvörðun um dagsetningu en stefnt er á september. Starfsfólk á skrifstofu, sem telja alls níu, heldur vinnu sinni aðeins lengur þar sem gera þarf upp tugþúsundir samninga við viðskiptavini eftir að akstur um göngin verður gjaldfrjáls. Að því loknu missa allir vinnuna.Umfjöllun Morgunblaðsins í kjölfar þess að göngin voru opnuð. Tvö þúsund manns tóku þátt í Hvalfjarðarhlaupinu á opnunardaginn, eina daginn sem mátt hefur hlaupa í gegnum göngin.Morgunblaðið 14. júlí 1998Finna rétta tímapunktinn Miðvikudaginn 11. júlí verða slétt tuttugu ár síðan göngin voru opnuð með pompi og prakt. Um kaflaskil var að ræða enda styttist þjóðvegur eitt um 42 kílómetra. Mesta breytingin varð þó fyrir íbúa Akraness en landleið þeirra til Reykjavíkur styttist um 60 kílómetra. Fyrirtækið Spölur var stofnað vegna verksins og lá fyrir að þegar lán væri greidd upp þá yrðu göngin afhent íslenska ríkinu. Nú styttist í þann dag. „Það er ekki komin dagsetning en það verður örugglega í september. Það verður ekki hægt að festa dagsetninguna fyrr en seinni partinn í ágúst,“ segir Gylfi Þórðarson, framkvæmdastjóri Spalar. Hægt og bítandi sé verið að finna rétta tímapunktinn og þar spili ýmislegt inn í. Til þurfi að vera nægt fé til að greiða allt sem þurfi að greiða, það fari eftir umferðinni. „Við sjáum ekki allar tölur enn.“Gylfi Þórðarson, framkvæmdastjóri Spalar.Þarf að gera upp tugi þúsunda samninga Landsmenn fengu að aka í gegnum göngin endurgjaldslaust fyrstu dagana á sínum tíma en síðan hefur verið greitt, hvort sem farið er í norðurátt eða suðurátt. Margar svartsýnisspár voru á sínum tíma um framkvæmdina en óhætt er að fullyrða að svo til allir nýti göngin í dag á ferð sinni um landið nema þeir sem ætli sér sérstaklega að upplifa fegurð Hvalfjarðar eða eigi erindi í fjörðinn sjálfan. Átta starfsmenn starfa við gjaldtöku í gjaldskýlum við nyrðri enda ganganna samkvæmt vaktakerfi þar sem tveir eru á vakt frá morgni til kvölds og einn á næturnar. Þá eru nokkrir starfsmenn á skrifstofu Spalar. „Það er ýmist búið að segja fólki upp, í gjaldskýlinu, eða það vinnur áfram á skrifstofunni,“ segir Gylfi. Það er þó skammgóður vermir. Starfsfólk á skrifstofu þurfi að gera upp samninga við viðskiptavini en í framhaldinu verði skrifstofunni lokað. „Þetta eru um tuttugu þúsund samningar en mörgum samningum fylgir fleiri en einn lykill. Þeir eru 52 þúsund,“ segir Gylfi. Allir samningar verði gerðir upp. Sömuleiðis afsláttarkort sem fjölmargir eigi auk þess sem fólk sem skilar lyklunum fái endurgreitt. „Þetta tekur allt sinn tíma.“Vegagerðin tekur við rekstri gangnanna.Fréttablaðið/PjeturAlls konar aukavinna í göngunum Starfsfólkið í gjaldskýlinu hefur einnig sinnt því sem komið hefur upp á vaktinni. „Fólkið hefur haft nóg að gera við að aðstoða fólk þegar dekk hefur sprungið, einhver bilun kemur upp og þess háttar. Þetta eru einu göngin á Íslandi sem eru neðansjávar og það vekur eðlilega stundum kvíða hjá fólki. Göngin eru ekki bein, liggja í sveig og fleira,“ segir Gylfi. Hann þekki ekki til hvernig öryggisgæslu verði sinnt í framhaldinu. Vegagerðin, sem nú tekur við rekstri gangnanna, verði að svara því. Eðli málsins samkvæmt komi tilfinningar við sögu þegar starfsfólki sé sagt upp störfum. „Það er alltaf slæmt að missa vinnuna en þetta er í sjálfu sér fyrirséð, að göngin yrðu afhent þegar búið væri að greiða. Svo þetta kemur ekki á óvart þannig lagað en það eru margir búnir að vera lengi hjá okkur.“Eftirlit í vaktstöð Gísli Eiríksson, forstöðumaður hjá Vegagerðinni, segir að eftirliti með Hvalfjarðargöngum verði sinnt hjá vaktstöðvum. Þeim hinum sömu og hafi eftirlit með vetrarþjónustunni. Líklega þurfi að fjölga eitthvað af starfsfólki en auk þess hafi sum starfsgildin aðeins verið yfir sumarið og gætu þá verið lengd svo þau nái yfir allt árið. Vakstöðin getur fylgst með gangi mála í tölvukerfum, séð hvað kemur upp í göngunum, fylgst með mengun og þar fram eftir götunum. Tvær vaktstöðvar eru á landinu. Ein á Ísafirði sem sinni eftirliti með göngum á Vestfjörðum og Norðurlandi. Hin sé í Reykjavík sem fylgist með Suður- og Suðvesturlandi.
Samgöngur Vistaskipti Mest lesið Skólamál í Kópavogi: Bókun eftir bókun á fundi bæjarstjórnar Innlent Sé hægt að gera byltingu í íslensku heilbrigðiskerfi Innlent Hafna „órökstuddum fullyrðingum“ Sigurðar Inga Innlent Glímdi við veikindi fyrir andlátið sem breyttu persónuleika hans Innlent Menningarráðherra skipaði son heilbrigðisráðherra í formannsstörf Innlent Gátu ekki opnað hraðbankann þrátt fyrir ítrekaðar tilraunir Innlent Þyrlan kölluð út vegna slasaðs manns í Gemludal Innlent Bylting framundan en Landspítalinn þurfi að hlaupa hraðar Innlent Grunaður hraðbankaþjófur nennti ekki með austur nóttina örlagaríku Innlent Stefna Open AI vegna sjálfsvígs sonarins Erlent Fleiri fréttir Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sjá meira