Grunur um listeríu í frosnum maísbaunum

Matvælastofnun (MAST) varar við neyslu á frosnum maísbaunum vegna gruns um listeríu. Í tilkynningu frá stofnuninni kemur fram að upplýsingar um innköllunina hafi komið í gegnum RASFF, evrópska viðvörunarkerfið um hættuleg matvæli á markaði.

Mun fyrirtækið Samkaup í samráði við heilbrigðiseftirlit Suðurnesja innkalla vöruna af markaði. Verslanir munu fá upplýsingar og fjarlægja maísinn af markaði.

Uppruni maísbaunanna er frá Ungverjalandi og hefur ungverska fyrirtækið Greenward sent út fréttatilkynningu vegna málsins.

 

Eftirfarandi upplýsingar auðkenna vörurnar sem innköllunin einskorðast við:

•    Vöruheiti: COOP extra söde majs

•    Vörumerki: COOP  

•    Framleiðandi: Greenyard frozen Hungary Kft.

•    Innflytjandi: Samkaup, Krossmóa 4, 260 Reykjanesbær

•    Strikamerki:7340011431084

•    Lýsing: 650 g plastpokar

•    Framleiðsla: í agúst 2016 til og með nóvember 2017

•    Geymsluskilyrði: frystivara

•    Dreifing: Verslanir Samkaupa; Samkaup Úrval, Samkaup Strax, Nettó, Sunnubúð, Krambúð og Kjörbúðin.