Ronaldo mætir ekki á hófið hjá FIFA

Þó svo Cristiano Ronaldo komi til greina í kjöri á knattspyrnumanni ársins hjá FIFA þá ætlar hann ekki að mæta á hófið.

Portúgalinn vill frekar vera á Ítalíu og undirbúa sig með Juventus fyrir næstu verkefni.

Ronaldo er tilnefndur ásamt Luka Modric og Mohamed Salah. Modric og Salah ætla að mæta á hófið.

Ronaldo er sigurstranglegur í þessi kjöri eftir að hafa unnið Meistaradeildina með Real Madrid þriðja árið í röð. Helst er talið að Luka Modric geti veitt honum keppni enda var hann líka í liði Real og var frábær á HM.