Valgerður Guðsteinsdóttir berst í aðalbardaga This is My House 2 bardagakvöldsins í lok októbermánaðar þar sem Eystrasaltsbeltið er í húfi.
Valgerður er eina íslenska atvinnukonan í hnefaleikum og jafnframt sú farsælasta. Hún mætir hinni norsku Ingrid Egner sem er hátt skrifuð og með rúmlega 150 áhugamannabardaga á ferilskránni.
„Mél lýst mjög vel á hana. Hún er andstæðingur sem mig hefur lengi langað að fara á móti. Hún var legend í áhugamannaboxinu og ég hef vitað af henni þar í nokkur ár. Við erum hins vegar í atvinnuboxinu, hér skiptir áhugamannaferillinn nákvæmlega engu máli og hér hef ég meiri reynslu en hún þó svo að ég sé sennilega hugsuð sem „underdog“,“ segir Valgerður í fréttatilkynningu um bardagann.
Valgerður æfði í Stokkhólmi á dögunum með nokkrum af helstu kvenboxurum Svíþjóðar.
Valgerður á að baki fjóra atvinnubardaga þar sem hún sigraði þrjá og tapaði naumlega í þeim síðasta á stigum.
Bardagi Valgerðar og Egner fer fram 20. október næst komandi í Osló.
Valgerður berst um Eystrasaltsbeltið
