Beint í fangelsi eftir að gæsluvarðhald var fellt úr gildi

Landsréttur felldi í dag úr gildi gæsluvarðhald yfir konu sem grunuð er um aðild að brennu að Kirkjuvegi 18 á Selfossi. Þetta kemur fram í tilkynningu frá lögreglunni.

Héraðsdómur Suðurlands féllst á kröfu lögreglunnar um gæsluvarðhald yfir konunni, sem fædd er árið 1973, og sömuleiðis karlmanni, fæddum 1965, sem grunaður er um aðild.

Tvennt lést í brunanum og er grunur um íkveikju. Var krafa lögreglustjórans á Suðurlandi á grundvelli rannsóknarhagsmuna.

Konan fer þó ekki langt því hún hefur nú afplánun fangelsisvistar sem hún átti eftir að sitja af sér vegna eldri dóms.