Ágúst Þór Jóhannsson og hans lærisveinar í færeyska kvennalandsliðinu í handbolta töpuðu fyrsta leiknum í forkeppni HM í handbolta 2019.
Færeyska liðið mætti því finnska í Norðurlandaslag í Sviss í dag þar sem undanriðillinn er leikinn. Stúlkurnar hans Ágústs voru með tveggja marka forskot þegar flautað var til hálfleiks 12-10 en töpuðu að lokum með þremur mörkum 19-22.
Liðið mætir Litháen á morgun en Litháar spila við Sviss seinna í kvöld.
