Það var nóg um að vera í NBA-deildinni í Bandaríkjunum í nótt en alls fóru fram 11 leikir.
LeBron James og liðsfélagar hans úr Los Angeles Lakers fengu slóvenska undrið Luka Doncic og liðsfélaga hans úr Dallas Mavericks í heimsókn í Englaborg.
LeBron var stigahæstur í liði Lakers en hann skoraði 28 stig ásamt því að taka 5 fráköst og gefa 4 stoðsendingar.
Doncic átti ekki góðan leik í nótt en hann skoraði aðeins 6 stig, tók 6 fráköst og gaf 5 stoðsendingar en lokatölur leiksins voru 114-103 fyrir Lakers.
Houston Rockets og San Antonio Spurs mættust í nágrannaslag þar sem Raketturnar úr Houstonborg báru sigur af hólmi, 136-105.
Clint Capela var stigahæstur í Houston með 27 stig en alls skoruðu þrír leikmenn Houston yfir 20 stig.
Kyrie Irving hjá Boston Celtics reyndist erfiður gegn sínum gömlu félögum í Cleveland Cavaliers en hann skoraði 29 stig í aðeins þremur leikhlutum í stórsigri Boston 128-95.
Öll úrslit næturinnar:
Cleveland Cavaliers 95 - 128 Boston Celtics
Utah Jazz 119 - 111 Charlotte Hornets
Chicago Bulls 88 - 107 Detroit Pistons
Washington Wizards 98 - 123 Philadelphia 76ers
Memphis Grizzlies 131 - 125 Brooklyn Nets
New Orleans Pelicans 101 - 106 Miami Heat
Atlanta Hawks 109 - 124 Oklahoma City Thunder
Houston Rockets 136 - 105 San Antonio Spurs
Orlando Magic 99 - 85 Phoenix Suns
Dallas Maverics 103 - 114 Los Angeles Lakers
Denver Nuggets 113 - 112 Portland Trail Blazers
LeBron leiddi Lakers til sigurs gegn slóvenska undrinu í Dallas
