Fjórða fórnarlamb skotárásarinnar á jólamarkaði í frönsku borginni Strassborg lést í gær. Frá þessu greindi saksóknaraembætti Parísar. Þá greindu franskir miðlar frá því að eitt fórnarlamb til viðbótar hefði hlotið varanlegan heilaskaða og að til viðbótar væri fernt enn á spítala.
Meintur árásarmaður, Cherif Chekatt, var skotinn til bana á fimmtudagskvöld eftir að hann skaut á lögregluþjóna í Neudorf-hverfi Strassborgar. Chekatt hafði áður verið sakfelldur fyrir ýmsa glæpi og er talinn hafa snúist til öfgaíslam á meðan hann var í fangelsi í Þýskalandi. Þá var hann einnig undir smásjá frönsku leyniþjónustunnar.
Fjórða fórnarlambið látið
Tengdar fréttir
Jólamarkaðurinn í Strassborg opnaður að nýju
Markaðnum var lokað eftir árás sem gerð var á þriðjudagskvöld.
