Dagur: Þetta voru mikil vonbrigði

Dagur Sigurðsson, landsliðsþjálfari Japan, var allt annað en sáttur eftir tapið gegn Barein í dag. Það þýðir að Japan endar í neðsta sæti riðilsins án stiga.

„Við verðum að gera okkar besta í þeim leikjum sem eftir eru en þetta voru mikil vonbrigði,“ sagði keppnismaðurinn Dagur hundfúll við Tómas Þór Þórðarson eftir leik.

„Mér fannst við vera betri aðilinn í leiknum en fengum á okkur skrýtna dóma í lokin. Þeir gengu á lagið og ég ætla ekki að taka neitt af þeim en mér fannst við vera sterkari aðilinn en náðum ekki að klára það.“

Dagur vildi ekki nota átökin í síðustu leikjum sem afsökun fyrir því að þeir hafi ekki unnið leikinn í dag.

„Ég held að við séum í sama bát og Barein þar. Það var svolítið stress í þessu og slæm ákvarðanataka. Miðað við stöðuna sem var um miðjan síðari hálfleik fannst mér skrítið hvernig þeir komust aftur inn í leikinn.“

Klippa: Dagur - Vonbrigði