Rær öllum árum í átt til Tókýó Hjörvar Ólafsson skrifar 29. janúar 2019 17:30 Kári Gunnarsson. vísir/valli Til þess að ætlunarverk hans, að komast á Ólympuleikana, takist þarf hann að vera í einu af 80 efstu sætunum á heimslistanum í maí á næsta ári. Þá er Kári Gunnarsson með sem markmið að komast inn á heimsmeistaramótið sem haldið verður í ágúst síðar á þessu ári, en til þess þarf hann að vera á meðal 110 efstu á heimslistanum í maí á þessu ári. Kári ætlar svo að fara á Evrópuleikana sem verða haldnir í annað skipti í júní í sumar í Hvíta-Rússlandi. Eins og staðan er núna er nánast öruggt að hann verði á meðal þátttakenda á því móti. „Ég hef sett stefnuna á að fara á Ólympíuleikana árið 2020 og það eru haldin mót sem gefa stig til þess að hækka á heimslistanum og er undankeppni Ólympíuleikanna á tímabilinu frá maí á þessu ári fram í maí á næsta ári. Það er svo staða á heimslistanum í maí á næsta ári sem ákvarðar það hvort ég kemst á leikana eður ei,“ sagði Kári í samtali við Fréttablaðið um komandi misseri. Eftir að hafa verið í námi síðustu ár einblínir Kári nú alfarið á badmintonleikinn og æfir og keppir sem atvinnumaður í greininni í Madrid á Spáni þar sem hann æfir með spænska landsliðsmanninum Pablo Abian sem er í kringum 40. sæti á heimslistanum. Þegar Kári setti sér það markmið að komast á Ólympíuleika var hann í 1.000. sæti á heimslistanum, en hefur síðan þá klifrað upp í 170. sæti og þarf að klifra upp um um það bil 90 sæti í viðbót til þess að ná markmiði sínu. Það er um það bil ár síðan hann ákvað að taka badmintonið fastari tökum og setti sér það markmið að komast á Ólympíuleikana. Til þess að það takist þarf Kári að vera iðinn við að keppa á mótum á þessu ári og því næsta, en hann mun keppa á um það bil 25 mótum um allan heim næsta eina og hálfa árið. „Þetta er vissulega mikil vinna að koma sér upp heimslistann, en markmiðið er aftur á móti vel raunhæft. Ég æfi með spilurum sem eru á topp 100 og á góðum degi vinn ég besta spilarann í hópnum sem er í 40. sæti á heimslistanum. Ég æfi 5-6 tíma á dag og er stöðugt að bæta mig. Ég er að gera alla réttu hlutina og mér finnst eðlilegt að stefna á það að vera í 80. sæti á listanum eftir rúmt ár,“ segir Kári. Kári er fæddur og uppalinn í Danmörku þar sem mikil hefð er fyrir badminton og landið hefur alið af sér afar sterka badmintonspilara. Nýverið flutti hann til Spánar, en þar er hann að elta ástina og ekki skemmir fyrir að hann getur æft við góðar aðstæður með góðum badmintonspilurum. „Það er þægileg tilfinning að vera kominn á þann stað að vera með þátttökurétt á þeim mótum sem veita stig og eru í undankeppni Ólympíuleikanna og heimsmeistaramótsins og að vera búinn að klífa metorðastigann á það svæði sem mér finnst ég eiga heima á. Það að þurfa ekki lengur að spila mig inn á þessi mót er gott fyrsta skref. Ég hef aldrei lagt jafn mikla vinnu og varið jafn miklum tíma í badmintonið og ég finn fyrir því að ég er búinn að bæta mig töluvert undanfarið. Ég hugsa mikið um andlega þáttinn og hef núna tíma til þess að leikgreina minn leik með því að skoða leiki mína, læra af mistökum mínum og skoða hvernig ég get gert betur. Mér finnst vopnabúrið mitt fjölbreyttara núna en það var áður og það kannski vantar helst stöðugleika í leikjum mínum gegn sterkum andstæðingum,“ segir hann um stöðu sína á þessari stundu. „Það er mér mikil hvatning að fara á mótið fyrir Íslands hönd, en það voru átta einstaklingar sem kepptu fyrir þjóðina á síðustu sumarólympíuleikum. Það fyllir mig alltaf miklu stolti að keppa með merki Íslands á bakinu og að sjá íslenska fánann meðan ég keppi. Ég vona innilega að ég bætist í þann flotta flokk afreksíþróttafólks sem fer til Tókýó,“ sagði hann um framhaldið. Aðrar íþróttir Badminton Birtist í Fréttablaðinu Mest lesið Gascoigne fannst meðvitundarlaus og fluttur á spítala Fótbolti „Gerir þetta skemmtilegt fyrir deildina“ Íslenski boltinn Nýi Liverpool maðurinn í fámennum hópi með Mo Salah Enski boltinn Uppgjörið: Víkingur - Valur 1-2 | Valsmenn tóku toppsætið af tíu Víkingum Íslenski boltinn „Búnir að bíða í 1435 daga eftir að komast á toppinn“ Íslenski boltinn „Heppinn að fá að lifa drauminn“ Golf Sænska táningsstelpan tjáir sig um vítið og skilaboðin frá Zlatan Fótbolti West Ham sækir bakvörð frá föllnum Southampton-mönnum Fótbolti Vinna með lögreglunni eftir að Carter varð fyrir kynþáttaníð Fótbolti Búinn í læknisskoðun og ætti að ná Ameríkutúrnum Fótbolti Fleiri fréttir „Heppinn að fá að lifa drauminn“ West Ham sækir bakvörð frá föllnum Southampton-mönnum „Gerir þetta skemmtilegt fyrir deildina“ „Búnir að bíða í 1435 daga eftir að komast á toppinn“ Gascoigne fannst meðvitundarlaus og fluttur á spítala Vinna með lögreglunni eftir að Carter varð fyrir kynþáttaníð Búinn í læknisskoðun og ætti að ná Ameríkutúrnum Nýi Liverpool maðurinn í fámennum hópi með Mo Salah Uppgjörið: Víkingur - Valur 1-2 | Valsmenn tóku toppsætið af tíu Víkingum Hera hafnaði í fimmta sæti á Evrópumótinu Scheffler tryggði sér sinn fjórða risatitil Will Ferrell stal athyglinni frá daufum leik Man.United í gær Messi nú með fleiri mörk en Ronaldo Gömul Boston Celtics stjarna semur við Los Angeles Lakers Stefán Ingi með þrennu í fyrri hálfleik Sænska táningsstelpan tjáir sig um vítið og skilaboðin frá Zlatan Giftu sig en gáfu síðan allar brúðkaupsgjafirnar Ísak Snær opnaði markareikninginn hjá Lyngby Kærastinn kom henni í opna skjöldu í markinu eftir hundrað kílómetra hlaup Þjóðverjar sendu íslensku strákana niður í B-deildina Kolbeinn lagði upp sigurmarkið Frankfurt kann það betur en flest félög að græða pening á framherjum Sjáðu sigurmark Viktors og takta Hallgríms fyrir norðan Hnéð gott og getur spilað meira: „Ég er tilbúinn“ Íslenskur dómari í næst síðasta ráshópnum á The Open Hetja Þjóðverja í gær hefur sigrast tvisvar á krabbameini Fengu gullverðlaun sín loksins afhent 28 árum of seint Stelpurnar tryggðu sér fimmtánda sætið „Forréttindi fyrir okkur sem eru nærri honum að fá að verða vitni að þessu“ Fyrsta konan til að þjálfa karlalið í Brasilíu Sjá meira
Til þess að ætlunarverk hans, að komast á Ólympuleikana, takist þarf hann að vera í einu af 80 efstu sætunum á heimslistanum í maí á næsta ári. Þá er Kári Gunnarsson með sem markmið að komast inn á heimsmeistaramótið sem haldið verður í ágúst síðar á þessu ári, en til þess þarf hann að vera á meðal 110 efstu á heimslistanum í maí á þessu ári. Kári ætlar svo að fara á Evrópuleikana sem verða haldnir í annað skipti í júní í sumar í Hvíta-Rússlandi. Eins og staðan er núna er nánast öruggt að hann verði á meðal þátttakenda á því móti. „Ég hef sett stefnuna á að fara á Ólympíuleikana árið 2020 og það eru haldin mót sem gefa stig til þess að hækka á heimslistanum og er undankeppni Ólympíuleikanna á tímabilinu frá maí á þessu ári fram í maí á næsta ári. Það er svo staða á heimslistanum í maí á næsta ári sem ákvarðar það hvort ég kemst á leikana eður ei,“ sagði Kári í samtali við Fréttablaðið um komandi misseri. Eftir að hafa verið í námi síðustu ár einblínir Kári nú alfarið á badmintonleikinn og æfir og keppir sem atvinnumaður í greininni í Madrid á Spáni þar sem hann æfir með spænska landsliðsmanninum Pablo Abian sem er í kringum 40. sæti á heimslistanum. Þegar Kári setti sér það markmið að komast á Ólympíuleika var hann í 1.000. sæti á heimslistanum, en hefur síðan þá klifrað upp í 170. sæti og þarf að klifra upp um um það bil 90 sæti í viðbót til þess að ná markmiði sínu. Það er um það bil ár síðan hann ákvað að taka badmintonið fastari tökum og setti sér það markmið að komast á Ólympíuleikana. Til þess að það takist þarf Kári að vera iðinn við að keppa á mótum á þessu ári og því næsta, en hann mun keppa á um það bil 25 mótum um allan heim næsta eina og hálfa árið. „Þetta er vissulega mikil vinna að koma sér upp heimslistann, en markmiðið er aftur á móti vel raunhæft. Ég æfi með spilurum sem eru á topp 100 og á góðum degi vinn ég besta spilarann í hópnum sem er í 40. sæti á heimslistanum. Ég æfi 5-6 tíma á dag og er stöðugt að bæta mig. Ég er að gera alla réttu hlutina og mér finnst eðlilegt að stefna á það að vera í 80. sæti á listanum eftir rúmt ár,“ segir Kári. Kári er fæddur og uppalinn í Danmörku þar sem mikil hefð er fyrir badminton og landið hefur alið af sér afar sterka badmintonspilara. Nýverið flutti hann til Spánar, en þar er hann að elta ástina og ekki skemmir fyrir að hann getur æft við góðar aðstæður með góðum badmintonspilurum. „Það er þægileg tilfinning að vera kominn á þann stað að vera með þátttökurétt á þeim mótum sem veita stig og eru í undankeppni Ólympíuleikanna og heimsmeistaramótsins og að vera búinn að klífa metorðastigann á það svæði sem mér finnst ég eiga heima á. Það að þurfa ekki lengur að spila mig inn á þessi mót er gott fyrsta skref. Ég hef aldrei lagt jafn mikla vinnu og varið jafn miklum tíma í badmintonið og ég finn fyrir því að ég er búinn að bæta mig töluvert undanfarið. Ég hugsa mikið um andlega þáttinn og hef núna tíma til þess að leikgreina minn leik með því að skoða leiki mína, læra af mistökum mínum og skoða hvernig ég get gert betur. Mér finnst vopnabúrið mitt fjölbreyttara núna en það var áður og það kannski vantar helst stöðugleika í leikjum mínum gegn sterkum andstæðingum,“ segir hann um stöðu sína á þessari stundu. „Það er mér mikil hvatning að fara á mótið fyrir Íslands hönd, en það voru átta einstaklingar sem kepptu fyrir þjóðina á síðustu sumarólympíuleikum. Það fyllir mig alltaf miklu stolti að keppa með merki Íslands á bakinu og að sjá íslenska fánann meðan ég keppi. Ég vona innilega að ég bætist í þann flotta flokk afreksíþróttafólks sem fer til Tókýó,“ sagði hann um framhaldið.
Aðrar íþróttir Badminton Birtist í Fréttablaðinu Mest lesið Gascoigne fannst meðvitundarlaus og fluttur á spítala Fótbolti „Gerir þetta skemmtilegt fyrir deildina“ Íslenski boltinn Nýi Liverpool maðurinn í fámennum hópi með Mo Salah Enski boltinn Uppgjörið: Víkingur - Valur 1-2 | Valsmenn tóku toppsætið af tíu Víkingum Íslenski boltinn „Búnir að bíða í 1435 daga eftir að komast á toppinn“ Íslenski boltinn „Heppinn að fá að lifa drauminn“ Golf Sænska táningsstelpan tjáir sig um vítið og skilaboðin frá Zlatan Fótbolti West Ham sækir bakvörð frá föllnum Southampton-mönnum Fótbolti Vinna með lögreglunni eftir að Carter varð fyrir kynþáttaníð Fótbolti Búinn í læknisskoðun og ætti að ná Ameríkutúrnum Fótbolti Fleiri fréttir „Heppinn að fá að lifa drauminn“ West Ham sækir bakvörð frá föllnum Southampton-mönnum „Gerir þetta skemmtilegt fyrir deildina“ „Búnir að bíða í 1435 daga eftir að komast á toppinn“ Gascoigne fannst meðvitundarlaus og fluttur á spítala Vinna með lögreglunni eftir að Carter varð fyrir kynþáttaníð Búinn í læknisskoðun og ætti að ná Ameríkutúrnum Nýi Liverpool maðurinn í fámennum hópi með Mo Salah Uppgjörið: Víkingur - Valur 1-2 | Valsmenn tóku toppsætið af tíu Víkingum Hera hafnaði í fimmta sæti á Evrópumótinu Scheffler tryggði sér sinn fjórða risatitil Will Ferrell stal athyglinni frá daufum leik Man.United í gær Messi nú með fleiri mörk en Ronaldo Gömul Boston Celtics stjarna semur við Los Angeles Lakers Stefán Ingi með þrennu í fyrri hálfleik Sænska táningsstelpan tjáir sig um vítið og skilaboðin frá Zlatan Giftu sig en gáfu síðan allar brúðkaupsgjafirnar Ísak Snær opnaði markareikninginn hjá Lyngby Kærastinn kom henni í opna skjöldu í markinu eftir hundrað kílómetra hlaup Þjóðverjar sendu íslensku strákana niður í B-deildina Kolbeinn lagði upp sigurmarkið Frankfurt kann það betur en flest félög að græða pening á framherjum Sjáðu sigurmark Viktors og takta Hallgríms fyrir norðan Hnéð gott og getur spilað meira: „Ég er tilbúinn“ Íslenskur dómari í næst síðasta ráshópnum á The Open Hetja Þjóðverja í gær hefur sigrast tvisvar á krabbameini Fengu gullverðlaun sín loksins afhent 28 árum of seint Stelpurnar tryggðu sér fimmtánda sætið „Forréttindi fyrir okkur sem eru nærri honum að fá að verða vitni að þessu“ Fyrsta konan til að þjálfa karlalið í Brasilíu Sjá meira