Þannig verður köld norðanátt í dag, víða 8 til 13 m/s og él á norðanverðu landinu. Það er þó gert ráð fyrir að það verði léttskýjað sunnan heiða, hins vegar gæti örlað á stöku él allra syðst á landinu fram eftir degi. Frostið verður á bilinu 2 til 15 stig, kaldast í innsveitum
Veðurstofan býst við svipuðu veðri á morgun, snjókomu eða él fyrir norðan en að það verði léttskýjað sunnanlands og kalt áfram.
Norðanáttin mun síðan ganga niður á föstudag, fyrst vestantil á landinu. Veðurstofan áætlar að það muni verða til þess að herða frostið enn frekar.
Veðurhorfur á landinu næstu daga
Á fimmtudag:
Norðanátt, víða 8-13 m/s. Él N-til á landinu, en léttskýjað sunnan heiða. Frost 2 til 12 stig.
Á föstudag:
Minnkandi norðanátt og él N-lands, en víða léttskýjað á S- og V-landi. Herðir á frosti.
Á laugardag:
Hæg sunnanátt og bjartviðri, en él syðst. Talsvert frost. Vaxandi suðaustanátt með snjókomu S-til um kvöldið og dregur úr frosti.
Á sunnudag:
Suðlæg eða breytileg átt og snjókoma eða él, en styttir víða upp þegar líður á daginn. Frost 0 til 8 stig.
Á mánudag:
Suðaustanátt og víða léttskýjað, en skýjað SV-lands. Frost 0 til 12 stig, kaldast á N- og A-landi.
Á þriðjudag:
Austanátt og slydda eða snjókoma, en þurrt um landið N-vert.
