Páll Björgvin nýr framkvæmdastjóri SSH

Páll Björgvin Guðmundsson, fyrrverandi bæjarstjóri, hefur verið ráðinn framkvæmdastjóri SSH, Samtaka sveitarfélaga á höfuðborgarsvæðinu.

Páll er viðskiptafræðingur að mennt og með MBA-gráðu. Hann var bæjarstjóri í Fjarðarbyggð árin 2010 til 2018 og fjármálastjóri sama sveitarfélags í fjögur ár.

Auk þess hefur Páll starfað sem útibússtjóri hjá Íslandsbanka, forstöðumaður hjá Landsbankanum og hefur fjölbreytta reynslu af verkefnum og stjórnarsetu á vettvangi sveitarfélaga. Páll tekur við framkvæmdastjórn SSH af Páli Guðjónssyni sem gegnt hefur starfinu síðastliðin tíu ár.

Fram kemur í tilkynningu frá SSH að umsækjendur um starfið hafi verið 33 talsins.