Þægilegt hjá AC Milan

AC Milan vann þægilegan sigur á Cagliari í 23. umferð ítölsku Seria A deildarinnar í kvöld.

Gestirnir í Cagliari byrjuðu leikinn ekki nógu vel því Luca Ceppitelli varð fyrir því óláni að setja boltann í eigið mark strax á 13. mínútu og kom AC Milan þar með yfir.

Lucas Paqueta bætti öðru marki Milan við stuttu seinna og fór Milan með þægilegt 2-0 forskot inn í hálfleikinn.

Krzysztof Piatek tryggði svo sigurinn með marki í seinni hálfleik, lokatölur 3-0 fyrir AC Milan.

AC Milan er eftir leikinn með 39 stig í fjórða sæti deildarinnar, 24 stigum á eftir toppliði Juventus.