Ný þyrla Landhelgisgæslunnar kom til landsins í dag

Ný þyrla Landhelgisgæslunnar, TF-EIR, kom til landsins í dag en um er að ræða eina af tveimur nýjum þyrlum sem eru hluti af bráðabirgðaendurnýjun gæslunnar. Seinni vélin, TF-GRÓ, er væntanleg til landsins á næstu vikum.

Munu þyrlurnar tvær leysa af þyrlurnar TF-SYN og TF-GNÁ sem gæslan hafði á leigu. Fyrir átti Landhelgisgæsluna TF-LÍF en hún er af gerðinni Super Puma  en TF-EIR og TF-GRÓ er nýrri vélar frá sama framleiðanda.

TF-EIR verður ekki tekin til notkunar fyrr en annað hvort í apríl eða maí því þjálfa þarf starfsfólk gæslunnar til að fljúga þessari þyrlu og sinna viðhaldi.