Körfubolti

Bara fjögur lið í allri NBA-sögunni með fleiri sannfærandi sigra en Bucks í vetur

Óskar Ófeigur Jónsson skrifar
Giannis Antetokounmpo er aðalstjarna Milwaukee Bucks liðsins.
Giannis Antetokounmpo er aðalstjarna Milwaukee Bucks liðsins. Getty/Stacy Revere
Milwaukee Bucks er með besta árangurinn í NBA-deildinni í vetur og klárar að öllum líkindum tímabilið með heimavallarrétt út alla úrslitakeppnina.

Grikkinn Giannis Antetokounmpo hefur verið magnaður og þjálfarinn Mike Budenholzer er búinn að setja saman mjög gott körfuboltalið sem verið örugglega illviðráðanlegt í úrslitakeppni NBA-deildarinnar í ár.

Það sem vekur sérstaklega athygli með gott gengi Milwaukee Bucks liðsins er að liðið hefur unnið 45 af 58 sigrum sínum á leiktíðinni með tíu stigum eða meira.

Aðeins fjögur lið í allri NBA-sögunni með fleiri sannfærandi sigra en Bucks í vetur en það eru lið Los Angels Lakers frá 1971-72, lið Golden State Warriors frá 2016-17, lið Milwaukee Bucks frá 1970-71 og lið Chicago Bulls frá 1995-96.





Milwaukee Bucks er eitt af átt liðum í sögu NBA sem hafa unnið 45 eða fleiri tíu stiga sigra á einu tímabili og öll hin sjö liðin hafa síðan unnið NBA-titilinn. Liðin átta má sjá hér fyrir ofan.











NBA

Mest lesið


Fleiri fréttir

Sjá meira


×

Mest lesið