San Antonio náði í oddaleik

San Antonio Spurs náði sér í oddaleik gegn Denver Nuggets í 8-liða úrslitum Vesturdeidar NBA í nótt. Spurs vann leik næturinnar með 17 stigum.

Nikola Jokic skoraði 43 stig fyrir Denver en það dugði gestunum ekki til sigurs þar sem LaMarcus Aldridge og DeMar DeRozan stigu upp fyrir Spurs sem vann leikinn 120-103.

Denver réði lögum inni í teignum og skoraði 72 stig þar á móti 36 frá Spurs en heimamenn skutu vel af lengra færi og komu flest stig þeirra þannig.

San Antonio bauð upp á mikla liðsframmistöðu þar sem fimm leikmenn náðu að skora tveggja stafa tölu og það kom gott framlag af bekknum, 36 stig.

Staðan í einvíginu er nú 3-3 og liðin mætast í oddaleik á laugardagskvöld í Denver.