Elísabet sló Íslandsmet

Elísabet Rut Rúnarsdóttir, frjálsíþróttakona úr ÍR, bætti í dag Íslandsmetið í sleggjukasti.

Elísabet er aðeins sextán ára gömul en bætti Íslandsmeitið í flokki fullorðinna þegar hún kastaði 62,16 metra á kastmóti UMSB í Borgarnesi.

Fyrra metið átti Vigdís Jónsdóttir, hún kastaði 61,77 metra árið 2017.

Elísabet á lengsta kast ársins í heiminum í flokki stúlkna 16-17 ára með 3kg sleggju, hún kastaði 71,19 metra í apríl. Það er hins vegar kastað með 4kg sleggju í fullorðinsflokki.