Mayweather birtir myndband frá Bláa Lóninu

Boxarinn ósigrandi Floyd Mayweather yngri var staddur hér á landi á dögunum og eins og margir aðrir lét vaða og skellti sér í Bláa Lónið.

Mayweather hefur nú birt örstutt myndskeið frá heimsókn sinni í Lónið þar sem hann horfir, hettupeysuklæddur, yfir baðgesti.

Blue Lagoon.

Iceland pic.twitter.com/zHdh3Rh3SW

— Floyd Mayweather (@FloydMayweather) June 27, 2019

Mayweather er einn af þeim íþróttamönnum sem mest hafa þénað á ferlinum en Mayweather barðist 50 sinnum og bar sigur úr býtum undantekningarlaust. Mayweather hefur þó tapað á einum stað en það er í réttarsalnum.

Mayweather hefur verið dæmdur í fjórgang fyrir ofbeldi gegn konum. Árið 2011 var Mayweather dæmdur í 90 daga fangelsi auk fjársekta og samfélagsþjónustu fyrir að hafa beitt fyrrverandi kærustu sína ofbeldi, þá var hann einnig sakfelldur fyrir að hafa hótað eigin börnum.