Einn efnilegasti hjólareiðakappi Belga lést eftir árekstur við steypuklump

Hjólreiðaliðið, Lotto Soudal, staðfesti nú í kvöld að liðsmaður Lotto, Belginn Bjorg Lambrecht, hafi látist í hjólareiðakeppninni Tour de Pologne í Póllandi í dag.

Samkvæmt fjölmiðlum lenti hinn 22 ára gamli Bjorg Lambrecht í samstuði við steypuklump þegar 50 kílómetrar voru eftir af leið dagsins sem voru rétt rúmir 150 kílómetrar.

Breaking news: The 22-year-old Bjorg Lambrecht has died.

Read the full story: https://t.co/AH9vvnc55J. pic.twitter.com/rpo9On1p4u

— In the Bunch (@In_the_Bunch) August 5, 2019

Bjorg Lambrecht var umsvifalaust fluttur með sjúkrabíl á næsta sjúkrahús en undir kvöld var það svo staðfest að Belginn hafi ekki náð að lifa af aðgerðina.

Lambrecht var einn efnilegasti hjólreiðakappi Belga en hann hafði unnið marga keppnir í heimalandinu og samdi við Lotto-liðið árið 2018.

Í júnímánuði skrifaði hann svo undir áframhaldandi tveggja ára samning við Lotto-liðið áður en þetta skelfilega slys átti sér stað.

The biggest tragedy possible that could happen to the family, friends and teammates of Bjorg has happened… Rest in peace Bjorg...  pic.twitter.com/9u9LZkp2Rt

— Lotto Soudal (@Lotto_Soudal) August 5, 2019