Rúnar Már Sigurjónsson og félagar í Astana eru komnir í umspil um sæti í riðlakeppni Evrópudeildarinnar eftir 0-4 útisigur á Valletta frá Möltu í kvöld.
Rúnar Már skoraði tvö mörk og lagði upp í eitt í fyrri leiknum sem Astana vann örugglega, 5-1. Astana vann einvígið, 9-1 samanlagt.
Rúnar Már var í byrjunarliði Astana í kvöld en var tekinn af velli á 68. mínútu, skömmu eftir að Kasakarnir komust í 0-3.
Astana mætir Willum Þór Willumssyni og félögum í BATE Borisov í umspilinu.
Guðmundur Þórarinsson lék allan leikinn fyrir Norrköping sem tapaði fyrir Hapoel Be'er Sheva, 3-1, á útivelli. Ísraelska liðið vann einvígið, 4-2 samanlagt, og mætir Feyenoord í umspilinu.
Rúnar Már og félagar örugglega áfram og bæta BATE í umspilinu
Tengdar fréttir
Íslendingaliðin komust áfram
Íslendingaliðin áttu góðu gengi að fagna í Evrópudeildinni.
Rúnar Már með tvö mörk og stoðsendingu í stórsigri Astana í Evrópudeildinni
Rúnar Már Sigurjónsson og félagar í Astana eru komnir með annan fótinn í umspil um sæti í riðlakeppni Evrópudeildarinnar eftir 5-1 stórsigur á Valletta frá Möltu í fyrri leik liðanna í dag.
