Real Madrid bauð 90 milljónir punda og þrjá leikmenn fyrir Neymar

Real Madrid bauð Paris Saint-Germain rúmlega 90 milljónir punda og Gareth Bale, James Rodríguez og Keylor Navas fyrir Brasilíumanninn Neymar samkvæmt heimildum L'Equipe. 

PSG sagði hins vegar nei við þessu rosalega tilboði Real Madrid.

PSG have rejected an offer of €100m + Gareth Bale + James Rodriguez + Keylor Navas for Neymar, according to L'Equipepic.twitter.com/rQBTX1QEVD

— Goal (@goal) August 21, 2019

Neymar hefur aðallega verið orðaður við sitt gamla félag, Barcelona, í sumar. Erkifjendurnir í Real Madrid hafa einnig mikinn áhuga á Brassanum.

PSG keypti Neymar frá Barcelona fyrir tæpar 200 milljónir punda fyrir tveimur árum. Hann hefur tvisvar sinnum orðið franskur meistari með PSG.

Liðin í Evrópu hafa frest til 31. ágúst til að ganga frá félagaskiptum.