Vince Carter mun spila sitt tuttugasta og annað tímabil í NBA deildinni í vetur. Atlanta Hawks tilkynnti að Carter myndi spila áfram með liðinu á föstudag.
Carter er 42 ára og er elsti leikmaðurinn í NBA deildinni. Hann spilaði fyrir Hawks síðasta vetur og var með 7,4 stig að meðaltali á 17,5 mínútum í leik, en hann tók þátt í 76 leikjum fyrir liðið.
Ef hann nær að spila með liðinu út tímabilið þá verður hann fyrsti leikmaðurinn í sögu NBA deildarinnar til þess að spila leik á fjórum mismunadi áratugum.
Carter kom inn í NBA deildina sem nýliði árið 1998 og var hann valinn nýliði ársins. Hann hefur spilað með átta liðum í deildinni og átta sinnum verið valinn í úrvalsliðið.
Fyrr í sumar tilkynnti Carter að komandi tímabil yrði hans síðasta.
Carter kveður NBA deildina í búningi Hawks
Tengdar fréttir
Carter tekur eitt ár í viðbót og skráir sig á spjöld sögunnar
Vince Carter hefur framlengt samning sinn við NBA liðið Atlanta Hawks.
