Dómarinn þurfti tvisvar að stöðva leik Englands og Búlgaríu í undankeppni EM 2020 vegna kynþáttaníðs.
Staðan var 2-0 fyrir Englandi og um hálftími liðinn af leiknum þegar leikurinn var stöðvaður í fyrsta skipti. Harry Kane ræddi við dómara leiksins, Ivan Bebek, í nokkrar mínútur áður en vallarþulurinn tilkynnti að leikurinn yrði stöðvaður ef áhorfendurnir héldu áfram.
Blaðamaður BBC á vellinum taldi að Raheem Sterling hafi verið fórnarlamb níðsins frá áhorfendunum.
Þegar liðið var á seinni hálfleikinn var leikurinn stöðvaður í annað skipti.
Bebek átti langt samtal við Gareth Southgate og Harry Kane en ákveðið var að halda leik áfram. Stór hópur af stuðningsmönnum Búlgaríu, klæddir svörtu frá toppi til táar, yfirgaf völlinn.
Samkvæmt aðgerðaáætlun UEFA hefði dómarinn getað sagt leikmönnum að yfirgefa völlinn þegar stöðva þurfti leikinn í annað skipti en samkvæmt fréttamönnum BBC er talið að Southgate hafi ákveðið að halda leik áfram.
BBC segir stuðningsmenn Búlgaríu hafa gert nasistabendingar, verið með apahljóð og kallað níð í átt að leikmönnum Englands, þá helst Sterling.
Staðan í leiknum þegar þetta er skrifað er 4-0 fyrir England.
Leikur Englands tvisvar stöðvaður vegna kynþáttaníðs
Ástrós Ýr Eggertsdóttir skrifar

Mest lesið

Kvartar undan Man. City við Evrópusambandið
Enski boltinn

Gera grín að Jürgen Klopp
Fótbolti

Tryggvi þarf að taka sig á í skólanum
Körfubolti

Víkingar skipta um gír
Íslenski boltinn






Tvær tillögur um að fjölga karlaleikjum
Körfubolti