Skítblankur á túristavertíð Þórarinn Þórarinsson skrifar 28. október 2019 07:00 Tóti segir Þjóðverjana ýmist hundleiðinlega eða langskemmtilegustu ferðaskjólstæðingana. MYND/MIKKEL HØRLYCK Sjálfur lýsir Þórarinn Leifsson, Tóti Leifs, sér sem pönkara, götu- og skiltamálara, myndskreyti, vefsmið, rithöfundi og fyrirlesara sem varð loks leiðsögumaður um hálendi Íslands fyrir örfáum misserum eftir að hann flutti heim frá Berlín, fráskilinn og skítblankur. „Mig hafði lengi langað til að prófa að „gæda“ og tækifærið kom þegar ég skildi fyrir tveim árum og brotlenti á Íslandi,“ segir Tóti en hann og rithöfundurinn Auður Jónsdóttir höfðu búið í Berlín með syninum Leifi Ottó í nokkur ár þegar þau slitu samvistum eftir tæp tuttugu ár.Blankur alla öldina Rithöfundarferill Tóta hófst með barnabókinni Leyndarmálið hans pabba sem kom út haustið 2007 og hann myndskreytti sjálfur. Hann segir það hins vegar gera lítið fyrir efnahaginn að vera vinsæll rithöfundur. „Ég hef bara ekki átt bót fyrir boruna á mér mest alla þessa öld. Ég hef vissulega fengið góða dóma og allskonar fín boð til útlanda en það skilar sér sjaldnast í bankann,“ segir Tóti sem hefur gengið ágætlega að safna gulli á hringnum rómaða í kringum Geysi og Gullfoss. „Tekjurnar skipta miklu máli og ég er búinn að hreinsa upp einhverjar milljónir í gamlar listamannaskuldir á síðustu tveimur árum,“ segir Tóti um leiðsögumannsstarfið sem sé auðvitað ekki fyrir hvern sem er. „Ég fór í einhverja 170 túra á tólf mánaða tímabili þegar ég var að koma mér almennilega inn í bransann. Það er stór plús að vera einhleypur og eiga sveigjanlega barnsmóður. Ég hef getað stokkið í alls konar túra með stuttum fyrirvara.“ Tíðindamikið á ferðaþjónustuvígstöðvunum Rithöfundurinn í Tóta hrökk í gang á endalausu hringferðalaginu og fann innblástur í bekk við Gullfoss þannig að úr varð bókin Bekkurinn – dagbók í Gullhring en hann er byrjaður að safna á Karolina Fund fyrir útgáfunni sem er fyrirhuguð í nóvember. „Ég var að taka mynd af bekknum í hverjum Gullhring og einhvern tímann datt mér í hug að tengja myndirnar við búta úr dagbók og gefa hverjum túr einkunn að hætti TripAdvisor,“ segir Tóti um tilurð bókarinnar. „Og úr þessu varð bók með myndum úr 76 gullhringjum á einu ári þannig að segja má að þetta sé bók með myndum frá vígvelli ferðaþjónustunnar árin 2018 til 2019.“ Bekkurinn – dagbók í Gullhring veiti þannig innsýn í tólf mánaða tímabil. „Þegar ferðamannabólan náði hámarki á Íslandi. Myndirnar sýna síbreytilega veðráttu um leið og textinn greinir frá fjölbreyttri mannlífsflóru og eintóna hversdagsleika miðaldra manns á krossgötum. Á vertíð sem virðist aldrei taka enda.“ Leitin að gleðinni Tóti hefur áður verið miðpunktur eigin verks með góðum árangri í skáldævisögunni Götumálarinn frá 2011 þar sem hann sagði frá þvælingi sínum sem ungur maður um Vestur-Evrópu upp úr miðjum níunda áratug síðustu aldar. „Bekkurinn er sjálfsævisaga eins og Götumálarinn,“ segir Tóti sem telur enga hættu á að með þessum bókum segi hann skilið við barnabækurnar. „Ég sé ekki neina stefnubreytingu fyrir utan að tekjumódelið hefur gjörbreyst. Ég er enn þá að fá hugmyndir að bókum fyrir börn og fullorðna og koma þeim í verk.“ Þá stefnir hann heldur ekki á að verða einyrki á bókamarkaði þótt hann hafi kosið að gefa nýju bókina út sjálfur með hópfjármögnun. „Ég er ekkert endilega leiður á útgefendum, kannski frekar á bókmenntaheiminum sem slíkum. Við rithöfundar erum oft eins og hræddar mýs einhvers staðar úti í horni að sífra um bág kjör meðan útgefendur marséra um eins og foringjar útrýmingarbúða,“ segir Tóti og bætir við að hann hafi fundið þörf fyrir „smá pásu frá þessari stemningu. Ég þurfti að senda frá mér bók á eigin forsendum og finna aftur gleðina við að gefa út. Það er hins vegar mjög mikið af góðu fólki að vinna hjá Forlaginu sem gladdi mig mikið með því að verða fyrst til að styrkja útgáfuna á Karolina Fund. Svo er ég með handrit að „gæda“-krimma sem ég vil helst klára með Forlaginu, því þar eru frábærir ritstjórar sem geta stundum kveikt í manni.“ Birtist í Fréttablaðinu Bókmenntir Ferðamennska á Íslandi Mest lesið „Þetta er allt partur af plani hjá guði“ Tónlist Fjármagnaði uppsetningu í Iðnó en hrökk úr lið á frumsýningu Lífið Sunneva og Benedikt trúlofuð Lífið Fréttatía vikunnar: Íþróttir, afsökunarbeiðni og bækur Lífið Kraftaverkasaga: „Mun ég aldrei sjá þau aftur?“ Áskorun Breytti nafninu sínu svo það yrði ekki brotist inn Lífið „Eina sem maður getur gert er að reyna vera betri maður í dag en þá“ Lífið Gengur yfir Sprengisand með hundrað kíló í eftirdragi Lífið „Ég vildi fela mig fyrir heiminum“ Lífið Hafði mikla þörf fyrir að láta aðra sjá að hún væri spes týpa Lífið Fleiri fréttir Fréttatía vikunnar: Íþróttir, afsökunarbeiðni og bækur Fjármagnaði uppsetningu í Iðnó en hrökk úr lið á frumsýningu Sunneva og Benedikt trúlofuð Tónlistarmyndband Addison Rae tekið upp á Íslandi Gengur yfir Sprengisand með hundrað kíló í eftirdragi Hafði mikla þörf fyrir að láta aðra sjá að hún væri spes týpa Mælir með því að tala við gervigreind sem sálfræðing „Eina sem maður getur gert er að reyna vera betri maður í dag en þá“ „Ég vildi fela mig fyrir heiminum“ „Leyfi lífinu bara að leiða mig“ Annarri tilraun að Fyre-hátíðinni frestað um ókomna tíð Fanney og Teitur greina frá kyninu Sonur Ringo Starr rekinn úr The Who Drógu saman um 74 prósent í samgöngukostnað Breytti nafninu sínu svo það yrði ekki brotist inn Ferðalög, heimsóknir eða huggulegheit heima framundan um páskana Hátíðlegur páskamatseðill að hætti Móniku á Apótekinu 100 áhrifamestu einstaklingar í heimi Óvenjulegar móttökur þegar Icelandair lenti í Nashville í fyrsta inn Breytt útlit Daða Freys vekur athygli Horfði á vin sinn fara í snjóflóði Falleg sérhæð í Hlíðunum Patrik og Gústi í sundur: „Vinir, veit það ekki“ Kærastan vill bara stunda kynlíf í bol Einn huggulegasti leikari landsins á lausu Unnur Eggerts afhjúpar nafn dótturinnar Skuggavaldið: Dýrð og dauði dansa saman í blóði og bjarma Sexfaldur Íslandsmeistari fékk ráð frá rándýru teymi og fór heim með eina milljón Geimferðin gagnrýnd: „Mér býður við þessu“ Kastaði Pétri og Sveppa fram og til baka í indverskri glímu Sjá meira
Sjálfur lýsir Þórarinn Leifsson, Tóti Leifs, sér sem pönkara, götu- og skiltamálara, myndskreyti, vefsmið, rithöfundi og fyrirlesara sem varð loks leiðsögumaður um hálendi Íslands fyrir örfáum misserum eftir að hann flutti heim frá Berlín, fráskilinn og skítblankur. „Mig hafði lengi langað til að prófa að „gæda“ og tækifærið kom þegar ég skildi fyrir tveim árum og brotlenti á Íslandi,“ segir Tóti en hann og rithöfundurinn Auður Jónsdóttir höfðu búið í Berlín með syninum Leifi Ottó í nokkur ár þegar þau slitu samvistum eftir tæp tuttugu ár.Blankur alla öldina Rithöfundarferill Tóta hófst með barnabókinni Leyndarmálið hans pabba sem kom út haustið 2007 og hann myndskreytti sjálfur. Hann segir það hins vegar gera lítið fyrir efnahaginn að vera vinsæll rithöfundur. „Ég hef bara ekki átt bót fyrir boruna á mér mest alla þessa öld. Ég hef vissulega fengið góða dóma og allskonar fín boð til útlanda en það skilar sér sjaldnast í bankann,“ segir Tóti sem hefur gengið ágætlega að safna gulli á hringnum rómaða í kringum Geysi og Gullfoss. „Tekjurnar skipta miklu máli og ég er búinn að hreinsa upp einhverjar milljónir í gamlar listamannaskuldir á síðustu tveimur árum,“ segir Tóti um leiðsögumannsstarfið sem sé auðvitað ekki fyrir hvern sem er. „Ég fór í einhverja 170 túra á tólf mánaða tímabili þegar ég var að koma mér almennilega inn í bransann. Það er stór plús að vera einhleypur og eiga sveigjanlega barnsmóður. Ég hef getað stokkið í alls konar túra með stuttum fyrirvara.“ Tíðindamikið á ferðaþjónustuvígstöðvunum Rithöfundurinn í Tóta hrökk í gang á endalausu hringferðalaginu og fann innblástur í bekk við Gullfoss þannig að úr varð bókin Bekkurinn – dagbók í Gullhring en hann er byrjaður að safna á Karolina Fund fyrir útgáfunni sem er fyrirhuguð í nóvember. „Ég var að taka mynd af bekknum í hverjum Gullhring og einhvern tímann datt mér í hug að tengja myndirnar við búta úr dagbók og gefa hverjum túr einkunn að hætti TripAdvisor,“ segir Tóti um tilurð bókarinnar. „Og úr þessu varð bók með myndum úr 76 gullhringjum á einu ári þannig að segja má að þetta sé bók með myndum frá vígvelli ferðaþjónustunnar árin 2018 til 2019.“ Bekkurinn – dagbók í Gullhring veiti þannig innsýn í tólf mánaða tímabil. „Þegar ferðamannabólan náði hámarki á Íslandi. Myndirnar sýna síbreytilega veðráttu um leið og textinn greinir frá fjölbreyttri mannlífsflóru og eintóna hversdagsleika miðaldra manns á krossgötum. Á vertíð sem virðist aldrei taka enda.“ Leitin að gleðinni Tóti hefur áður verið miðpunktur eigin verks með góðum árangri í skáldævisögunni Götumálarinn frá 2011 þar sem hann sagði frá þvælingi sínum sem ungur maður um Vestur-Evrópu upp úr miðjum níunda áratug síðustu aldar. „Bekkurinn er sjálfsævisaga eins og Götumálarinn,“ segir Tóti sem telur enga hættu á að með þessum bókum segi hann skilið við barnabækurnar. „Ég sé ekki neina stefnubreytingu fyrir utan að tekjumódelið hefur gjörbreyst. Ég er enn þá að fá hugmyndir að bókum fyrir börn og fullorðna og koma þeim í verk.“ Þá stefnir hann heldur ekki á að verða einyrki á bókamarkaði þótt hann hafi kosið að gefa nýju bókina út sjálfur með hópfjármögnun. „Ég er ekkert endilega leiður á útgefendum, kannski frekar á bókmenntaheiminum sem slíkum. Við rithöfundar erum oft eins og hræddar mýs einhvers staðar úti í horni að sífra um bág kjör meðan útgefendur marséra um eins og foringjar útrýmingarbúða,“ segir Tóti og bætir við að hann hafi fundið þörf fyrir „smá pásu frá þessari stemningu. Ég þurfti að senda frá mér bók á eigin forsendum og finna aftur gleðina við að gefa út. Það er hins vegar mjög mikið af góðu fólki að vinna hjá Forlaginu sem gladdi mig mikið með því að verða fyrst til að styrkja útgáfuna á Karolina Fund. Svo er ég með handrit að „gæda“-krimma sem ég vil helst klára með Forlaginu, því þar eru frábærir ritstjórar sem geta stundum kveikt í manni.“
Birtist í Fréttablaðinu Bókmenntir Ferðamennska á Íslandi Mest lesið „Þetta er allt partur af plani hjá guði“ Tónlist Fjármagnaði uppsetningu í Iðnó en hrökk úr lið á frumsýningu Lífið Sunneva og Benedikt trúlofuð Lífið Fréttatía vikunnar: Íþróttir, afsökunarbeiðni og bækur Lífið Kraftaverkasaga: „Mun ég aldrei sjá þau aftur?“ Áskorun Breytti nafninu sínu svo það yrði ekki brotist inn Lífið „Eina sem maður getur gert er að reyna vera betri maður í dag en þá“ Lífið Gengur yfir Sprengisand með hundrað kíló í eftirdragi Lífið „Ég vildi fela mig fyrir heiminum“ Lífið Hafði mikla þörf fyrir að láta aðra sjá að hún væri spes týpa Lífið Fleiri fréttir Fréttatía vikunnar: Íþróttir, afsökunarbeiðni og bækur Fjármagnaði uppsetningu í Iðnó en hrökk úr lið á frumsýningu Sunneva og Benedikt trúlofuð Tónlistarmyndband Addison Rae tekið upp á Íslandi Gengur yfir Sprengisand með hundrað kíló í eftirdragi Hafði mikla þörf fyrir að láta aðra sjá að hún væri spes týpa Mælir með því að tala við gervigreind sem sálfræðing „Eina sem maður getur gert er að reyna vera betri maður í dag en þá“ „Ég vildi fela mig fyrir heiminum“ „Leyfi lífinu bara að leiða mig“ Annarri tilraun að Fyre-hátíðinni frestað um ókomna tíð Fanney og Teitur greina frá kyninu Sonur Ringo Starr rekinn úr The Who Drógu saman um 74 prósent í samgöngukostnað Breytti nafninu sínu svo það yrði ekki brotist inn Ferðalög, heimsóknir eða huggulegheit heima framundan um páskana Hátíðlegur páskamatseðill að hætti Móniku á Apótekinu 100 áhrifamestu einstaklingar í heimi Óvenjulegar móttökur þegar Icelandair lenti í Nashville í fyrsta inn Breytt útlit Daða Freys vekur athygli Horfði á vin sinn fara í snjóflóði Falleg sérhæð í Hlíðunum Patrik og Gústi í sundur: „Vinir, veit það ekki“ Kærastan vill bara stunda kynlíf í bol Einn huggulegasti leikari landsins á lausu Unnur Eggerts afhjúpar nafn dótturinnar Skuggavaldið: Dýrð og dauði dansa saman í blóði og bjarma Sexfaldur Íslandsmeistari fékk ráð frá rándýru teymi og fór heim með eina milljón Geimferðin gagnrýnd: „Mér býður við þessu“ Kastaði Pétri og Sveppa fram og til baka í indverskri glímu Sjá meira