Milos hættur hjá Mjällby

Milos Milojevic er hættur sem þjálfari sænska úrvalsdeildarliðsins Mjällby.

Milos tók við liðinu í fyrra og kom því þá upp í sænsku B-deildina.

Mjällby vann svo B-deildina á síðasta tímabili og tryggði sér sæti í sænsku úrvalsdeildinni.

Á heimasíðu Mjällby kemur fram að samningaviðræður félagsins við Milos hafi siglt í strand.

Samkvæmt heimildum Kvällsposten hefur Malmö áhuga á að fá Milos sem aðstoðarþjálfara Uwes Rösler.

Áður en Milos fór til Svíþjóðar þjálfaði hann Víking R. og Breiðablik hér á landi.