Takumi Minamino er á leiðinni í læknisskoðun hjá Liverpool í dag og Liverpool mun því að öllum líkindum ganga frá kaupunum á honum frá Red Bull Salzburg 1. janúar næstkomandi.
Liverpool er því ekkert að bíða með að ganga frá þessum kaupum sem eru áætluð að ganga í gegn um leið og glugginn opnar.
Takumi Minamino will have a medical at #LFC on Wednesday ahead of a proposed move from Red Bull Salzburg in January, Sky Sports News understands.
— Sky Sports News (@SkySportsNews) December 18, 2019
Liverpool mun kaupa upp samning Takumi Minamino hjá Red Bull Salzburg sem var samkvæmt samningi hans falur fyrir 7,25 milljónir punda. RB Salzburg keypti hann frá japanska félaginu Cerezo Osaka fyrir minna en eina milljón árið 2015.
Takumi Minamino er 24 ára gamall og er með níu mörk og ellefu stoðsendingar í 22 leikjum með Red Bull Salzburg á þessu tímabili.
Minamino var bæði með mark og stoðsendingu á móti Liverpool í Meistaradeildarleik félaganna á Anfield.
Þrátt fyrir að Minamino hafi bæði spilað í Meistaradeildinni og á móti Liverpool í Meistaradeildinni verður hann samt löglegur í útsláttarkeppni Meistaradeildarinnar þar sem Liverpool mætir spænska liðinu Atletico Madrid í sextán liða úrslitunum.
