Luka Doncic fór meiddur af velli þegar Dallas Mavericks tapaði fyrir Miami Heat, 118-122, eftir framlengingu í NBA-deildinni í nótt.
Doncic sneri sig á ökkla í byrjun leiks og búist er við því að Slóveninn missi af næstu leikjum Dallas.
Án Doncic lenti Dallas mest 24 stigum undir en kom til baka, átti möguleika á að vinna undir lok venjulegs leiktíma en endaði á því að tapa í framlengingu.
Jimmy Butler skoraði 27 stig fyrir Miami sem er í 3. sæti Austurdeildarinnar. Bam Adebayo var með 18 stig, ellefu fráköst og tíu stoðsendingar. Tim Hardaway yngri skoraði 28 stig fyrir Dallas sem er í 3. sæti Vesturdeildarinnar.
WHAT A FINISH between the @MiamiHEAT and @dallasmavs!
— NBA (@NBA) December 15, 2019
▪️ Bam posts a triple-double
▪️ Tim Hardaway Jr. drops 28 PTS
▪️ DAL comes back from down 24
▪️ MIA moves to 5-0 in OT this season! pic.twitter.com/SnbJ8o0jvH
Sjö aðrir leikir fóru fram í NBA-deildinni í nótt.
Milwaukee Bucks vann átjánda leikinn í röð þegar liðið lagði Cleveland Cavaliers að velli, 108-125.
Giannis Antetokounmpo skoraði 29 stig fyrir Milwaukee og Khris Middleton 24.
@Giannis_An34 (29 PTS) and @Khris22m (24 PTS) combine for 53 PTS as the @Bucks win their 18th in a row! pic.twitter.com/X2z8m6HsnX
— NBA (@NBA) December 15, 2019
Þrjátíuogníu stig James Harden dugðu Houston Rockets ekki til sigurs gegn Detroit Pistons. Lokatölur 107-115, Detroit í vil.
Luke Kennard skoraði 22 stig fyrir Detroit og Derrick Rose skoraði 20 stig og gaf tólf stoðsendingar.
@drose pours in 20 PTS and drops 12 dimes to power the @DetroitPistons in Houston! pic.twitter.com/ey8x8QhZfU
— NBA (@NBA) December 15, 2019
Meistarar Toronto Raptors báru sigurorð af Brooklyn Nets, 110-102.
Pascal Siakam skoraði 30 stig fyrir Toronto og Norman Powell var með 25 stig. Marc Gasol skoraði 15 stig og tók 17 fráköst.
Norman POWELL pic.twitter.com/1juWQbS77p
— NBA (@NBA) December 15, 2019
Úrslitin í nótt:
Miami 122-118 Dallas
Milwaukee 125-108 Cleveland
Detroit 115-107 Houston
Brooklyn 102-110 Toronto
San Antonio 121-119 Phoenix
LA Clippers 106-109 Chicago
Washington 111-128 Memphis
Oklahoma 102-110 Denver
the updated #NBA standings through Dec. 14! pic.twitter.com/wT4L3xUada
— NBA (@NBA) December 15, 2019
