Eva Long­oria og Marc Ant­hony guð­for­eldrar Beck­ham barna

Systkinin Cruz og Harper Beckham voru skírð í gær við hátíðlega kirkjuathöfn. Móðir þeirra, kryddpían og fatahönnuðurinn Victoria Beckham, greindi frá þessu á Instagram-síðu sinni í gær.

„Ég gæti ekki verið stoltari af börnunum mínum og þakklát fyrir fjölskylduna mína og yndislegustu guðforeldrana,“ skrifar Beckham en guðforeldrar þeirra Cruz og Harper eru þau Eva Longoria, sem þekktust er fyrir hlutverk sitt í Aðþrengdum eiginkonum, og söngvarinn Marc Anthony.

Longoria birti sömu mynd á síðu sinni og sagði það vera heiður að vera guðmóður „yndislegustu stúlku í heimi“. Á myndinni voru einnig eldri bræður systkinanna, þeir Brooklyn og Romeo.

Cruz er yngstur Beckham bræðranna en hann er fjórtán ára gamall. Harper er eina stúlkan í systkinahópnum og jafnframt yngst, átta ára gömul.