Enski boltinn

Fyrrum heims­meistarinn Martin Peters látinn

Anton Ingi Leifsson skrifar
Mynd af heimasíðu West Ham.
Mynd af heimasíðu West Ham. mynd/heimasíða West Ham

Martin Peters, fyrrum leikmaður enska landsliðsins í knattspyrnu og goðsögn hjá West Ham, er látinn 76 ára að aldri.

Fjölskylda Pieters staðfesti þetta í dag en hann gekk í raðir West Ham fimmtán ára gamall. Hann lék í ellefu ár hjá félaginu áður en hann gekk í raðir Tottenham.

Hann skoraði meðal annars fyrir enska landsliðið í úrslitaleiknum á HM 1966 er enska landsliðið hafði betur gegn Vestur-Þýskalandi og tryggði sér heimsmeistaratitilinn.







HM-titillinn var ekki sá eini sem Pieters vann en hann var einnig í sigurliði Wset Ham árið 1965 er liðið tók gullið í Evrópukeppni bikarhafa. Hann vann svo til þrennra verðlauna með Tottenham.

Frá Tottenham fór hann til Norwich og þaðan til Sheffield United en skórnir fóru svo upp í hillu árið 1981 eftir glæstan feril.

Peters fékk orðu breska konungsveldisins árið 1978 fyrir framlag sitt til fótbolta en hann hefur verið reglulegur gestur á leikjum West Ham allt frá því að hann hætti að spila.



Andlát Bretland England Enski boltinn

Mest lesið


Fleiri fréttir

Sjá meira


×

Mest lesið